Kur mungojnë përgjigjet

UFO-t, fantazmat, Deja-Vu, dhjetë misteret për të cilat
shkenca është e pazonja të ofrojë shpjegime

Nuk përbën kurrfarë habie që
janë aq të shumta ato fenomene
për të cilat shkenca është e
paaftë të garantojë përgjigje.
Revista amerikane
"LiveScience", e specializuar
në botën e shkencës, ka
përpiluar së fundmi një listë ku
përpiqet të klasifikojë dhjetë
misteret më të mëdha, për të
cilat njerëzimi nuk gjen
përgjigje të pranueshme

Edhe pse metoda shkencore, e tillë siç e njohim
sot, është ideuar në shekullin XVII, historia e
saj ngjitet te filozofët grekë, të cilët u përpoqëm
të shpjegonin botën. Shpjegime që kërkoheshin për
hir të kureshtjes dhe mrekullimit karshi gjithçkaje që
na rrethon, ndërkohë që sa më shumë mbulohet nga
misteri një fenomen, aq më me këmbëngulje shkenca
e studion.
E megjithatë, progresi i arritur nga njerëzimi gjatë dy
mijëvjeçarëve të fundit, nuk ka arritur në atë pikë që
të mund japë shpjegime mbi gjithçka. Tashmë njerëzimi
ka shkundur nga mendja dehjen pozitiviste të
viteve tetëqind, e cila te shkenca e matematikës
gjente psetë e gjithçkaje. Gjatë viteve nëntëqind dhe
dymijë, dyshimi u kthye në metodë të mirëfilltë, falsiteti
i teorive (teori e demonstruar nga Poper në fillim
të shekullit XIX) shkencore zuri vend më të madh se
verifikueshmëria e tyre.
Nën këtë dritë nuk përbën kurrfarë habie që janë aq
të shumtë fenomenet, për të cilat shkenca është e
paaftë të japë përgjigje. Revista amerikane "Live-
Science", e specializuar në botën e shkencës, ka përpiluar
së fundmi një listë ku përpiqet të klasifikojë dhjetë
misteret më të mëdha, për të cilat njerëzimi nuk
gjen përgjigje të pranueshme.
Kategoritë e mistereve
10 misteret më të mëdha të klasifikuara nga "Live-
Science" mund të ndahen në dy kategori: perceptimet
e jashtme dhe ato të brendshme.
Metodat shkencore, pavarësisht hapave gjigande
përpara të kryera në neuroshkencë, ende nuk
arrijnë të verifikojnë disa fenomene psikike, si intuita,
aftësia për të parandier ngjarjet, deja-vu.
Metodat shkencore janë po kaq të paafta edhe në dhënien
e një shpjegimi për përvojat e prag vdekjes, dëshmitë
për të cilat janë thuajse identike me njëratjetrën.
Lidhja mes trupit dhe mendjes, përjetësisht
objekt studimi dhe e identifikuar nga De Karti te
gjëndra pineale (gjëndër e vendosur në pjesën e
poshtme të trurit, qelizat e së cilës, pinealocitet janë