Roboti i NASA-s, Curiosity zbuloi një “objekt të ndritshëm” në sipërfaqen e plantit të kuq, i cili ka ngjallur reagime dhe mëdyshje të fuqishme në ciklet shkencore.
Ndërkohë, të shumtë janë ato cikle shkencore që nuk u bindën nga shpjegimi i dhënë prej NASA-ës, në të cilin thuhej: “Ekipi i shkencëtarëve që merret posaçërisht me Curiosity, vendosi të mos e përdor krahun robotik më 8 tetor, kur Curiosity zbuloi një objekt të ndritshëm në sipërfaqen e Marsit. Objekt ky, i cili mund të jetë një “pjesë” e robotit”, theksohet në njoftimin e NASA-ës.
Ndërkohë mësohet, po sipas deklarimeve për shtyp të NASA-s, se: “Curiosty po nxjerr dhe shumë fotografi të tjera të objektit, me qëllim që të ndihmojë ekipin e shkencëtarëve që të shqyrtojnë më mirë të dhënat dhe të evitohen ndikimet negative, gjatë marrjes së mostrave të këtij objekti, që ndodhet në sipërfaqen e Marsit”.
Misioni i robotit, me afat kohorë dy vjeçar, është të eksplorojë sipërfaqen dhe jo vetëm të Marsit, duke tentuar të vërtetojë nëse në të shkuarën ekzistonin kushtet e përshtatshme për jetë në këtë planet. Curiosity u ul në sipërfaqen e marsit, në 6 gusht, duke hapur kështu një kapitull të ri në historinë e eksplorimeve ndërplanetare./alb-observer/