Greqia deklaroi të premten se ka marrë mbështetjen e mjaftueshme për të çuar përpara një marrëveshje të faljes së pjesshme të borxhit, një kusht për marrjen e kredisë së radhës, që do të shpëtojë financat e vendit helen nga falimentimi.

85,8% e mbajtësve të borxhit grek, të cilat i nënshtrohen ligjeve greke dhe 69% e mbajtësve ndërkombëtarë të borxhit të deritanishëm, kanë pranuar projektin, deklaroi Ministria Greke e Financave.

Me një shumicë dërrmuese që mbështet Athinën, ajo tashmë mund të imponojë që edhe kreditorët e pabindur të marrin vetëm më pak se gjysmën e shumës së huazuar.

Deri tani, autoritetet greke kanë rinegociuar një borxh me vlerë prej 172 miliardë eurosh, ndërsa


Ministri i Financave të Greqise kreditorët kanë pranuar humbje deri në 74% të shumës së investuar.

“Në emër të Republikës së Greqisë, dua të shpreh vlerësimin tim për të gjithë ata kreditorë që kanë mbështetur programin tonë ambicioz të reformimit, duke ndarë edhe ata sakrificat e popullit grek në arritjen e këtij objektivi historik”, deklaroi Ministri i Financave, Evangelos Venizelos.

“Greqia do të vazhdojë të zbatojë masat e domosdoshme për një ristrukturim financiar. Jemi të përkushtuar në avancimin e reformave strukturore, të cilat do të rikthejnë Greqinë në rrugën e rritjes financiare”, shtoi Venizelos.

Bashkimi Europian dhe Fondi Ndërkombëtar Monetar vendosën një sërë kushtesh për Greqinë, në marrjen e kredisë prej 130 miliardë eurosh, pa të cilën vendi do të ishte i detyruar të deklaronte falimentimin brenda muajit. Rinegocimi i borxhit me kreditorët privatë ishte pjesë e këtyre kushteve.

BE, i lehtësuar pas marrëveshjes greke

Liderët evropianë kanë deklaruar se Greqia është shumë pranë ndihmës së dytë financiare pasi qeveria arriti marrëveshjen e rëndësishme me kreditorët.

Marrëveshja në fjalë, që parashikon shkëmbimin e borxhit, është më e madhja për ristrukturimin e financave të shtetit në historinë helene.

Ministrat e Financës të vendeve të Eurozonës deklaruan se janë krijuar kushtet për ndihmën e dytë prej 130 miliardë eurosh.

Ministri grek i Financave, Evangelos Venizelos përshëndeti gjithashtu marrëveshjen e arritur, duke e cilësuar atë si “një sukses të jashtëzakonshëm”.

Ndërsa presidenti i Eurogrupit, Jean Claude Juncker, në një deklaratë pas mbledhjes së ministrave, deklaroi se, “gjithçka është gati për të dhënë aprovimin final për lëshimin e ndihmës së radhës”.

Ministria greke e Financave njoftoi më herët arritjen e marrëveshjes, që parashikon shkëmbimin e borxhit të kreditorëve grekë me ata ndërkombëtare, 85.8 për qind me 69 për qind.

Athinës i duhej të kalonte kuotën prej 75 për qind për të arritur marrëveshjen, që ishte edhe një kusht për lëshimin e ndihmës ndërkombëtare.

Bashkimi Evropian dhe Fondi Monetar Ndërkombëtar kishin deklaruar se nëse shkëmbimi i borxhit nuk do të arrihej, atëherë Greqia nuk do ta merrte ndihmën.