Shkencetaret kane dale ne perfundimin se ne "zemren" henore ka magme, qe eshte e pasur me titan
Ç’efekt do të kishte në Tokë, një vullkan hënor në erozion të plotë? Kësaj pyetje, për momentin, duket e vështirë për t’iu përgjigjur. Mirëpo një kërkim i ri i publikuar nga Nature thotë se në të ardhmen, pasardhësit tanë mund të asistojnë në erozione vullkanike hënore. Kjo siguri vjen nga disa tronditje të regjistruara nga sizmografët, e instaluar mbi satelitin tokësor, gjatë misionit Apollo... Doktor Renee Weber i “Marshall Space Flight Center” të NASA dhe udhëheqës i projektit, që merret me përpilimin e hartave dhe modelimeve të Hënës, ka deklaruar se rreth 39% e mantelit hënor është shkrirë. Kjo do të thotë se ekziston magmë në "zemër" të Hënës, në një thellësi të përfshirë mes 1200 dhe 1350 kilometrave.

Po përse nuk ka asnjë aktivitet vullkanik, nëse aty ka magmë? Sipërfaqja hënore është e vdekur dhe erozionet e fundit janë regjistruar disa miliarda vite më parë. Pas analizave të kryera mbi një “llavë artificiale” që mendohet se gjendet në Hënë, shkencëtarët kanë dalë në përfundimin se magma hënore është e pasur me titan. Kjo i ndalon llavës të “nxirret” në sipërfaqe, pasi llava duhet të jetë më e lehtë se gjithçka që e rrethon për të pasur mundësi të shpërthejë.

Po e ardhmja? Siç shpjegon Vin Westrenen i Universitetit të Amsterdamit, “aktualisht Hëna është në ftohje të vazhdueshme. Në të njëjtën kohë është duke u ftohur edhe zemra e saj e lëngshme”. Kështu që për momentin s’parashikohet të ketë erozione hënore. Por në të ardhmen, magma, për shkak të ftohjes do të ndryshojë përbërjen e saj, duke u bërë më i dendur se ambienti që e rrethon. Në atë pikë do të ketë erozione të mrekullueshme hënore. Vetëm se për të mbërritur deri në atë pikë do të duhen miliona vite/fb/