ELBASAN-Ngjarja e rëndë është regjistruar në një nga rrugica e lagjes Kala të qytetit të Elbasanit, ku një 17 vjeçar ka goditur disa herë me thikë dhe i ka vjedhur sasinë e lekëve që kishte me vete një 18 vjeçari me banim në Elbasan.

Burime zyrtare të policisë bëjnë të ditur se është arrestuar 17- vjeçari me banim në lagjen “Vullnetari” të qytetit. Një ditë më parë ky shtetas në lagjen Kala ka goditur me një thikë në pjesë të ndryshme të trupit dhe më pas i ka vjedhur 20 mijë lekë të reja një shtetasi.

Burime të policisë konfirmuan se 18- vjeçari me inicialet S. K është dërguar në spital ku edhe ka marrë ndihmën e parë mjekësore dhe ndodhet jasht rrezikut për jetën. 17- vjeçari i arrestuar do të duhet të përgjigjet për plagosje të rëndë, vjedhje me dhunë dhe mbajtje pa leje të armëve të ftohta.