NASA publikoi imazhet më të detajuara të marra ndonjëherë nga Plutoni, të siguruara nga sonda “New Horizons”.

Fotot janë të një rezolucioni të lartë dhe veç planetit xhuxh, është kapur edhe sateliti i tij më i madh, Charon.

Por ajo që tërhoqi më shumë vëmendjen (jo të NASA-s) janë 4 pika të errta të vendosura në pjesën ekuatoriale të planetit dhe me një madhësi thuajse të barabartë.

Çdonjëra prej tyre mendohet se ka një diametër rreth 500 kilometra. Veç kësaj, shkencëtarët (dhe alienologët) nuk mund të mësojnë më shumë nga të dhënat e deritanishme.

Kushtet ekstreme që ofron sipërfaqja e Plutonit nuk sugjerojnë një jetë aliene në këtë cep të sistemit tonë diellor, por nëse merret si e mirëqënë, atëherë alienët plutonianë bëjnë mirë të vishen trashë, pasi temperaturat në këtë planet janë rreth -230 gradë celcius, që e bëjnë të pamundur praktikisht ekzistencën e jetës, të paktën të asaj forme jete që njohim ne në Tokë.

/ Top Channel