Duket sikur ka dalë nga legjendat mbi detet, por peshku monstër doli në dritë javën e kaluar duke lënë pa fjalë disa plazhistë. Një peshk vozitës, një krijesë e thellësive që rrallëherë është parë i gjallë, doli në brigjet e detit Hacienda në Cabo San Lucas në Meksikë. I njohur edhe si peshku fjongo, ai është peshku kockor më i gjatë i deteve, i karakterizuar nga ngjyra e shndritshme e argjentë dhe me fletën kurrizore në ngjyrë të kuqe ose portokalli. Peshku i gjetur ishte rreth 20 këmbë i gjatë dhe ngjalli kuriozitetin e shumë personave që u mblodhën në një kohë shumë të shpejtë për ta parë. Peshku vozitës përgjithësisht jeton në thellësinë 3000 këmbë nën sipërfaqe, por kur janë të sëmurë ose të plagosur ata dalin edhe në sipërfaqe. Një peshk vozitës mund të arrijë gjatësinë deri në 50 këmbë, por ata njihen si të parrezikshëm, duke qenë se nuk kanë dhëmbë. Por në përgjithësi rreth këtij llloj peshku dihet shumë pak.

aaahahahaaha kam qesh me lot kur kam lexu ket kuriozitet