Një luftë e ashpër e padukshme po zhvillohet rreth shoqërisë sonë, ndërsa fushëbeteja është interneti. Në zhvillim të përhershëm janë teknologjitë e reja, që gjithnjë shërbejnë për mbledhjen e të dhënave personale të përdoruesve në internet. Dhe, ku është fundi i tërë kësaj?

Përgjigjen në këtë pyetje kanë tentuar ta japin mysafirët “sypherpunk” (aktivistët të cilët mbështesin përdorimin e kriptografisë, si mjet për ndryshime politike dhe shoqërore – v.j.) të episodit më të ri të serisë televizive të themeluesit të WikiLeaks-it, Julian Assange: Jeremie Zimmermann, Andy Muller-Maguhn dhe Jakob Appelbaum.

Ata arritën në përfundimin se deri vonë kontrollimi i çdo thirrjeje telefonike dhe shënimeve të internetit është dukur si një fantastikë shkencore, porse tashti kjo paraqet një fakt real.

“Teknologjia ka lejuar kontrollin e plotë mbi komunikimin e përditshëm. Sa më shumë e përdorim internetin, aq më shumë jemi të ekspozuar ndaj kësaj. Ushtria ka kontroll mbi agjencitë e zbulimit, që nga ana tjetër kanë kontroll dhe mbikëqyrje të plotë tek të dhënat tona personale. Prandaj, lirisht mund të flasim për një lloj të militarizimit të jetës civile”, ka thënë Zimmerman, transmeton RT.

Për hakerin gjerman Muller-Maguhna, nuk ka asnjë dyshim se po bëhet monitorimi dhe mbledhja e të dhënave personale,

“Google di më shumë për ne se nënat tona, ndoshta edhe më shumë seç dimë ne për veten tonë”, vlerëson ai.

Zimmerman beson se në internet është fshirë linja mes privates dhe publikes, mbi të gjitha fal interesit ekonomik të web-kompanive.

“Për këto kompani më i rëndësishëm është bashkëpunimi me shtetin: që t’i zbulojnë klientët e tyre, duke shkelur të drejtën e tyre për intimitet dhe duke përfituar përmes kësaj. Kjo krijon një kulturë të mbikëqyrjes, ndërsa pas tërë kësaj qëndrojnë paratë”, thotë Appelbaum.

Assange shpreson se me kohën do të zhvillohen mjetet të cilat përdoruesve do t’jua lejojnë kontrollimin e të dhënave të dhe komunikimin.

Në fund, të gjithë pjesëmarrësit kanë përfunduar se si zgjidhja është në kriptografi dhe se njerëzit e fundit të lirë do ta përdorin kriptografinë për t’u mbrojtur kundër mbikëqyrjes totale të shoqërisë.