“Mos guxo ta fitosh Eurovizionin! S’kemi para për
festivalin”

Ndërkohë që cilido shtet do të ishte tepër i
kënaqur nga fitimi i Eurovizionit, Pastora
Soler hyn në histori si e para këngëtare që
nxitet nga shteti i saj të mos e bëjë diçka
të tillë...
Shkak është kriza ekonomike të cilën po
kalon vendi, dhe paratë që do duhej të
harxhoheshin për organizimin e festivalit
vitin e ardhshëm.
Në deklaratën e dhënë për një radio në
Spanjë, Pastora Soler theksoi edhe një herë ndikimin e krizës ekonomike në jetën
e përditshme të vendit të saj. “Grupi i Televizionit Kombëtar spanjoll "TVE", më ka
kërkuar nga të mos e fitoj Eurovizonin sepse nuk kanë fonde për të organizuar
festivalin e vitit të ardhshëm” u shpreh Soler. Sipas traditës, vendi që shpallet
fitues i Eurovizionit këtë vit, duhet ta organizojë fetivalin vitin tjetër. Një organizim
i tillë do u kushtonte miliona euro taksapaguesve spanjollë.
Ajo pohoi se gjatë bisedimeve të zhvilluara me grupin e Radio Televizionit
Shtetëror të Spanjës asaj gjithnjë i është thënë “të lutemi mos fito, në fillim duhet
të kalojmë këtë periudhë të vështirë”. Soler vazhdon më pas duke thënë se është
detyruar të kufizojë dhe shfaqjen në skenë për shkak të pamundësisë ekonomike.
“Nuk do të ketë as dhe një piroteknikë. Çdo efekt i veçantë kushton shumë
shtrenjtë. Spanja dhe Televizioni shtetëror spanjoll nuk mund t’i përballojnë këto
shpenzime. TVE nuk ka para as për lëvizjet e mia në skenë. Nuk do të ketë
surpriza, do të përmirësojmë vetëm ndriçimin. Nuk kemi fonde, ndihet kriza
ekonomike”, shprehet Soler.
Duke pohuar se është detyruar të tregohet realiste dhe se është shumë e
vështirë të zësh vendin e parë në Eurovizon, këngëtarja nga Sevilja thekson se
edhe hyrja në 5 apo 10 vendet e para do ishte një sukses. Soler gjithashtu nuk la
pa përmendur dhe preferencat e saj të Eurovizonit që janë Rusia dhe Suedia.
/Start/A. Kokiçi/