Foto të tmerrshme nga Oqeani Indian, anija copëtoi një balenë që po flinte…


Plagë vdekjeprurëse mori një balenë gjigande blu, si pasojë e “karambolit” me një anije transportuese, gjatë kohës që ajo ishte në gjumë. Balena pa jetë u gjet në sipërfaqe të detit, në Oqeanin Indian, në det të hapur pranë brigjeve jugore të Sri Lanka.

Gjithashtu, duket mjaft qartë pjesa ku është goditur balena.

Balena blu përbën një specie në zhdukje dhe numërohet në kenë mbetur gjithsej rreth 5.000 të tilla në gjithë botën.

Fotografitë i nxori zhytësi Tony Wu, i cili donte të ndërgjegjësonte njerëzit për plagët vdekjeprurëse që u shkaktojnë anijet balenave.

“Mesa duket, balena është goditur gjatë kohës që flinte në sipërfaqe të oqeanit. Për ne, balenat janë gjigande, por nëse i krahasojmë me një anije transportuese, ato nuk kanë asnjë shans për të shpëtuar, pas goditjeve të këtyre përmasave. Është një problem i madh, sidomos kur bëhet fjalë për vrasje të specieve që janë në zhdukje”, tha ai.

Sipas të dhënave jo zyrtare, mijëra balena, një pjesë e të cilave, edhe specie në zhdukje, janë vrarë nga anijet që transportojnë konteinera. Specialistët besojnë se shumica e këtyre rasteve nuk regjistrohen, pasi marinarët mund të mos e kuptojnë fare që anija e tyre ka goditur ndonjë qenie. “Është njësoj sikur një kamion të shtypë një flutur, nuk arrin dot ta kuptosh”, shpjegon //albobserver//