NASA: Ka jete ne nje nga henat e planetit Jupiter


Në kërkim të jetës në sistemin diellor, "Europa", sateliti i Jupiterit, ku ndodhet një oqean, ofron mundësi më tepër sesa Marsi me një shkretëtirë të gjerë, bënë të ditur sot burime zyrtare amerikane. "Përveç Tokës, "Evropa" është vendi i sistemit tonë diellor, ku probabiliteti është më i madh për të jetuar", deklaroi Robert Pappalardo, një zyrtar i lartë i "Jet Propulsion Laboratory" (JPL) i NASA-s.
"Europa' mbulohet nga një shtresë relativisht e hollë akulli, aty ndodhet një oqean në gjendje të lëngshme në kontakt me shkëmbinjtë në thellësi, është gjeologjikisht aktiv dhe bombardohet nga rrezatimet, që krijojnë oksidime dhe duke u përzierë me ujin formojnë një energji ideale për jetën", nënvizoi Pappalardo.
Me kërkesë të NASA-s, misioni i propozuar fillimisht për eksplorimin e "Europës" u rishikua për reduktimin e çmimit, sipas burimeve mediatike amerikane. "JPL" në bashkëpunim me Laboratorin e Fizikës së Aplikuar në Universitetin "Johns Hopkins", në Maryland, në lindje të SHBA-së krijuan një projekt të ri eksplorimi të quajtur "Clipper", me një vlerë prej dy miliardë dollarësh. Projekti kishte si synim vendosjen e një sateliti në orbitën e Jupiterit dhe që do të kryente disa udhëtime rreth "Evropës" duke ndjekur shembullin e suksesshëm të sondës "Cassini", rreth "Titanit", hëna e Saturnit.

shpresoj qe ket her lajmi mos tjet i rrem por tjet i vertet ose tpakten mos tbejn me skperimente qe te tregojn se ka jet ktu