Pak ditë më parë, “Sunday Times” ka sulmuar Facebook duke argumentuar se ky rrjet shoqëror në internet, është duke spiunuar mesazhet tuaja me tekst, që shkëmbehen përmes aplikimit me smartphones.

Në qendër të polemikave për këtë fakt, përveç Facebook, kanë përfunduar edhe gjigandë të tjerë të botës së internetit si YouTube apo Flickr, gjithmonë të akuzuar për spiunazh ndër përdoruesit që aplikojnë SMS në aparatin e tyre celular.

Por sot Facebook, u është përgjigjur më në fund këtyre akuzave, përmes fjalëve të Iian Mackenzie, kreut të komunikimeve evropiane të Facebook, i cili ka mohuar se kjo kompani lexon mesazhet e përdoruesit, duke shkelur privatësinë e tyre.

“Teoritë e publikuara nga “Sunday Times” janë qesharake”, tha ai, duke shtuar se kemi të bëjmë edhe me një dezinformim në tërë këtë histori.