Meshkujt nuk do të zhduken! Ky është përfundimi i kërkimit shkencor, sipas të cilit kromozomet mashkullore Y nuk do të zhduken me kalimin e kohës. Theksohet se kërkimet e mëparshme nxorën si rezultat, që këto kromozome që ndodhen vetëm në genet mashkullorë, dëmtohen gjenetikisht me kalimin e kohës. Kjo do të thotë që këto kromozome, sipas kërkimeve të mëparshme, do të zhdukeshin pas 5 milion vjetësh!
Por studimi i ri i rrëzon këto të dhëna. Hulumtuesja dhe kreu i kërkimit, Jennifer Hugh, si dhe David Page i Institutit Kërkimor Biomedikal “Whitehead” të Masacuset dhe të Fakultetit të Biologjisë së universitetit MIT, botuan këtë hulumtim në revistën “Natyre”. Ata vëzhguan progresin e kromozomit Y të një majmuni që dallonte gjenetikisht nga njeriu para 25 milion vitesh dhe e krahasuan me zhvillimin e kromozomit analog tek njeriu. Shkencëtarët, gjatë këtij krahasimi, arritën në përfundimit që kromozimi Y i njeriut nuk i ka humbur aspak genet gjatë 6 milion viteve të fundit, por ka humbur vetëm një gen gjatë 25 milion viteve.
“Kromozomi Y nuk ka ku shkon dhe humbja e geneve, mesa duket, ka ndalur”, deklaroi Jennifer Hugh dhe shtoi: “Nuk mund të përjashtojmë mundësinë se nuk do të ndodhë më në të ardhmen, por genet që kanë mbetur tek Y ndodhen aty dhe aty do të qëndrojnë. Mesa duket, shërbejnë për ndonjë funksion jetik, për të cilin nuk kemi shumë njohuri, por genet e Y vazhdojnë ta ruajnë në mënyrë fanatike pozicionin e tyre brenda kromozomit”.
Qelizat njerëzore përmbajnë 23 çifte kromozomesh, njëra prej të cilave ka lidhje me seksin e njeriut. Tek femrat, ky çift kromozomesh përbëhet nga dy kromozome X (XX), ndërsa tek meshkujt, nga një kromozom X dhe një Y (XY). Një gen brenda në Y është ai që shkakton në fetusin mashkullor zhvillimin e organeve gjenitale mashkullore dhe sekretimin e hormoneve mashkullore.
Dobësimi gjenetik vetëm i kromozomit mashkullor Y është më i mundshëm sepse (në krahasim me dy kromozomet X tek femrat), ka shumë pak shkëmbim të materialit gjenetik midis kromozomeve X dhe Y gjatë prodhimit dhe si rezultat, ndryshimet apo zhdukjet e geneve dhe mutacioneve tek Y të përcillen më lehtë nga mashkulli tek mashkulli me kalimin e kohës. Femrat, nga ana tjetër, janë më të mbrojtura, sepse një X gjenetikisht rikombinohet me X-in e palës tjetër të të njëjtit kromozom në çift.