Zbulimi eshte bere nga shkencetaret e NASA dhe eshte prezantuar ne “American Chemical Society”
Jeta në Tokë është bërë e mundshme falë kometave, që kanë marrë me vete për të sjellë këtu përbërësit kyç për ekzistencën tonë. Këtë kanë zbuluar shkencëtarët e NASA-s, që kanë përsëritur impaktin e një komete dhe kanë treguar se aminoacidet, një bllok i rënd ësishëm i ndërtimit të jetës, i kanë mbijetuar nxehtësisë intensive, duke krijuar energjinë e nevojshme për të formuar lidhjet që bashkojnë aminoacidet me proteinat.

Pikërisht, sipas shkencëtarëve, kombinimi i ujit, energjisë dhe aminoacideve (të nevojshme pwr formimin e proteinave), mund të kenë shkaktuar reaksionin e parë kimik, aq sa u krijuan proteinat. Duke e prezantuar gjetjen e tyre në takimin e “American Chemical Society”, ata kanë shpjeguar se disa kometa, asteroidë dhe meteorite, që janë shkëputur për një kohë të gjatë nga hapësira, mund të kenë sjellë tufa të përsëritura të këtyre përbërësve në Tokë që përpara krijimit të saj .
Kometat, topa gjigantë me gaz të ngrirë, akull, pluhur dhe shkëmbinj me diametër deri 10 milje, janë vërtitur rreth Diellit në një rrip shumë më të largët se planetet, por rastësisht ato “prishin” lirshmërinë e tyre dhe bien direkt në sistemin tonë diellor. Të dhënat evidente thonë se jeta në Tokë filloi rreth 3.8 miliard vite më parë, gjatë një periudhë të njohur si “bombardimi i rëndë i vonë, kur planetet u goditën nga një numër i madh kometash dhe asteroidesh.