Numri i komunave të bllokuara është reduktuar në 22, nga 60 të tilla që u izoluan në ditët e para të reshjeve të dendura të dëborës në fillim të muajit shkurt.

Sipas Drejtorisë Operacionale të Emergjencave Civile, të gjitha akset nacionale janë të kalueshme, të segmenteve Qaf Mal- Qafë Shllak dhe Qafë Mal-Fierzë.

Numrin më të madh të komunave të bllokuara e kanë qarqet e Shkodrës dhe të Kukësit, ku gjendja paraqitet e vështirë. Bllokime raportohen edhe nga rrethi i Tropojës, ku sic thonë banorët e fshatit Shipshaj, për shkak të izolimit të gjatë, kanë mbetur pa ushqime.

Sipas
Moti i keq
Rama: Shteti nën dëborë
“Pas borës, rrezik përmbytjet”
Dëbora, bllokime në Korçë, Skrapar e Dukagjin
Drejtorisë Operacionale, po punohet për hapjen e rrugëve që lidhin qendrat e këtyre komunave me rrugën nacionale, nga forcat e ushtrisë si dhe nga drejtoritë rajonale të rrugëve.

Informacionet zyrtare të Ministrisë së Brendshme referojnë se në Qarkun e Korçës nuk ka asnjë komunë të bllokuar, por sipas mediave është raportuar se pavarësisht hapjes së rrugës, autokolonat bllokohen për shkak të vështirësisë së madhe që ka rruga.

Ndërkohë, fluturimet e emergjencave mjekësore kanë vazhduar. Gjatë së dielës janë kryer pesë fluturime për emergjenca shëndetësore dhe dy të tilla gjatë së dielës.

Ndërkohe që ndihmat në ushqime për ato komuna që janë të bllokuara kanë vazhduar.