Amuletet, talismanet dhe hajmalit


Me një prejardhje të lashtë të besimit të fortë të ndikimit të tyre magjik tek poseduesi i tij, sot, bartja me vete e talismanëve, amuleteve dhe hajmalive si dhe vendosja e tyre në vendet ku qëndrohet më së shumti, sikur është rikthyer në vetëdijen e të njeriut bashkëkohor.






▪ Prandaj, nuk janë të pakta imazhet e personave autoritar nga jeta artistike, shoqërore dhe politike të botës, që me vete, si relikte të çmuara, stolisen haptazi me këto simbole nga lashtësia duke pasur besim të fortë në fuqinë e tyre mbrojtëse.







çka janë amuletet, talismanët dhe hajmalitë?

Për domethënien e amuleteve, talismanëve dhe hajmalive ekzistojnë shumë definicione, për të cilat vështirë se mund ta përzgjedhim njërën prej tyre si më të saktë. Po ashtu, do ta kishim vështirë të përgjigjemi saktë edhe në pyetjen se kur së pari në historinë e njerëzimit është aplikuar talismani, hajmalia ose amuleti. Në Bibël, bie fjala, flitej për një person nga kohërat e lashta, i cili quhej GIGANTE, dhe i cili, së pari në botë ka zbuluar fuqinë e ndikimit magjik të amuleteve dhe talismanëve.


Po në Bibël, hasim në disa legjenda se, njëri prej bijve të NOAS (h.z. Nuhi), ZAROSTERI, konstruktori i barkës shpëtimtare gjatë përmbytjes së madhe, ka qenë formuluesi i parë i talismanëve dhe amuleteve. Edhe vetë emri i tij në përkthim të lirë ka kuptimtë metaforik dhe do të thotë: "Kleriku i yjeve" ose "Adhurues i yjeve". Në anën tjetër, shkrimet e lashta Arabe tregojnë se burimii fshehtësisë së përpilimit të talismanëve dhe amuleteve vjen nga breti i parë i Egjiptit NAKRAUSA. Edhe pse kemi shumë laramani kuptimesh, sipas mendimit tim, ndoshta tek në shekullin XVIII është dhënë definicioni më pragmatik i amuleteve: "Amulet është çdo send që njeriu mban të varur rreth qafe ose në ndonjë pjesë tjetër të trupit. Amulete mund të jenë edhe simbole të ndryshme, të cilat me pasion i mbajmë si stoli në fustane dhe veshjet tjera, ose një send që ruhet në një vend të caktuar, me besimin e fortë se ai largon shpirtrat e lig, demonët e ndryshëm, shëron sëmundjet dhe mbron nga ndikimi i magjisë së zezë".


Edhe për prejardhjen etimologjike të nocionit AMULET, nuk ka qëndrim të prerë. Disa e marrin si të saktë burimin e tij nga gjuha arabe që do të thotë: "zinxhiri nga gurët". Vërtetë tek arabët ky zinxhir është bartur rreth qafe dhe është quajtur "hamalet". Linguistë tjerë Evropian, nocionin "amulet" e ndërlidhin me domethënien e foljes latine "amolire" - largim, përzënie, gjë që, edhe logjikisht mund të jetë e pranueshme. Po ashtu, ka mundësi që nocioni "talisman", të ketë prejardhje nga gjuha turke: talis, talism, tilism, me kuptim "imazh i çuditshëm" "pamje e çuditshme". Po ashtu, edhe tek popujt e civilizimeve tjera të lashta mund të ketë baza linguistike të prejardhjes së saj. Në Persi, quhej "tsilmenaja", Grekët e lashtë e emërtonin si "telesmata", ndërsa arabët në arabishte e quajnë "talisman". Sido që të jetë, për ne është e rëndësishme se talismanët dhe amuletet janë karakteristikë e të gjitha civilizimeve të lashta dhe besimeve të tyre të përhapura në fuqinë magjike që ato kanë.
Sipas shënimeve të vjetra, njëri ndër personalitetet dhe burrështetasit më të çmuara të historisë njerëzore, i cili ka pasur aftësi mbinatyrore të komunikimit me shtresat e larta shpirtërore, ka qenë Solomoni (h.z. Sylejmani), biri i mbretit tjetër të madh të Izraelit. Davidit (h.z. Dauti). Përveç në Bibël dhe Kuran, për mrekullitë e tij, ka mjaft dëshmi materiale edhe në veprat e ndryshme të bashkëkohësve të vet. Mes tjerash, për të thuhej se ishte njohës i mirë i gjuhës së shenjave magjike dhe me anën e këtyre simboleve, komunikonte me forca të ndryshme energjetike-jomateriale (demonët, Xhinët etj), të cilët i kishte nën kontroll të plotë. Vepra e famshme e kësaj natyre, që mendohet se është shkruar nga vetë Solomoni, titullohet: "çelësi i Solomonit" ("Clavicula Solomonis"). Kjo vepër, në historiografinë e magjisë, konsiderohet si doracak kapital i simbolikës dhe shkathtësisë okuliste mbarëbotërore. Edhe pse përmbajtja e saj është e publikuar, mendohet se shumë shkrime nga origjinali, nga klerikët ebrej dhe sekte të ndryshme ezoterike, me xhelozi ruhen si një fshehtësi e madhe.


Ndër simbolet më të përgjithshme dhe më të fuqishme që ende përdoren në traditën e magjisë botërore, pa dyshim se është Ylli i Davidit dhe Pentakli i Solomonit (Pentagrami). Edhe pse këto simbole, sot na janë të njohura publikisht, aktivizimi i forcës së tyre magjike kërkon kombinime dhe rituale të caktuara. Këto rituale mbeten të fshehta për masat e gjera.


Shumë shtete, veçanërisht Izraeli dhe Judaizmi, Yllin gjashtërremësh të Davidit, e kanë përvetësuar si simbol nacional dhe shtetëror. Realisht, Ylli i Davidit, nuk është simbol autentik i izraelitëve, por ka një prejardhje edhe më të vjetër pagane. Në veçanti nga Solomoni, u është përshtatur dhe konstatuar fuqia e tyre e veçantë. Përmes disa modifikimeve nga shumë shtete dhe popuj në botë, edhe Pentakli i Solomonit është përvetësuar si simbol i fortë identifikues. Në këtë kontest, besoj se nuk ka nevojë t'i numërojmë ideologjitë, shtetet dhe institucionet e ndryshme kombëtare dhe ndërkombëtare që në emblemat e tyre nuk e kanë PENTAGRAMIN E SOLOMONIT.


Sektet magjizeza nëpër botë, Pentagramin e përdorin si çelës për hapjen e horizonteve të ndërlidhjes me forcat e errëta (djajtë dhe demonët), por tek këta të fundit, ylli pesëcepësh është i shënuar mbrapsht: me tehun e cepit të sipërm kthyer poshtë.

Dallimi në mes talismanit, amuletit dhe hajmalisë

Edhe pse shumica i besojnë fuqisë magjike që këto kanë, një pjesë e madhe e përdoruesve të tyre, ende nuk e dinë dallimin qenësor në mes talismanit, amuletit dhe hajmalisë.
Talismanët, zakonisht, janë simbole të forta tërheqëse. Pra, përmes bartjes së tyre me vete, ose vendosjes në ndonjë hapësirë të caktuar, bëhet tërheqja e energjive pozitive. Atyre energjive pozitive nga universi, që besohet se sjellin dashuri, lumturi, harmoni, shërim shëndet etj. Një karakteristikë tjetër e talismanëve është se ato mbahen me vete, por jo në vende të dukshme. Më së shpeshti në çantë, xhep etj.


Amuletet, në të kundërtën, largojnë ndikimet negative, luftojnë sëmundjet dhe mbrojnë nga magjia e zezë. Ato gjithnjë mbahen në vende të dukshme: në unazë, qafore, bylyzyk, etj.
Dhe, së fundi, hajmalitë janë kombinimi i kuptimit të talismanëve dhe amuleteve dhe kanë qëllimin e njëjtë: t'i tërheqin ndikimet pozitive dhe t'i largojnë ato negative.


Derisa talismanët dhe amuletet, gravurohen në qeramikë, metal dhe legurat e tjera (shpesh përzierja e legurës ruhet si fshehtësi), hajmalitë zakonisht shkruhen në letër, pergamenë dhe lëkurë. Po ashtu, përveç dallimit përmbajtjesor, ato ndryshojnë edhe nga prejardhja burimore e tyre. Hajmalitë, rrjedhin nga kultura orientale e popujve me besim islam, andaj më të popullarizuar janë në regjionet ku jeton popullsia me përkatësi myslimane. Edhe pse dedikimi është i njëjtë, talismanët ose amuletet kanë shumë pak popullaritet në mes sqiptarëve. Edhe tek ne në Kosovë, si forma më e shprehur e simbolit mbrojtës është hajmalia, dhe besimi në fuqinë e tyre mrekulluese është e rrënjosur thellë në vetëdijen e shumicës prej nesh. Edhe pse shpesh në praktikë hasim në deklarime publike se kemi të bëjmë me një besëtytni të kotë, në momente të një gjendjeje të çrregulluar psikike, edhe nga këta "materialist të linjës së fortë", si "ilaçi" i fundit provohet hajmalia. Këtë fakt e kanë dëshmuar shumë mjekë, me të cilët kam biseduar. Ata tregonin se gjatë kontrollit të pacientëve, te gati 70 për qind e tyre, rreth qafe dhe pjesëve tjera të trupit vërenin hajmali.


Aspak nuk do të ishte interesante kjo dukuri, sikur në mesin e këtyre pacientëve, një numër i madh i tyre, të mos ishin intelektualë të profileve të ndryshme.


Me pretekst se ju sjellin fat në karrierë, kohën e fundit, kudo në botë, është bërë trend i vërtetë bartja dhe ekspozimi i simboleve të lashta magjike në formë të talismanëve dhe amuleteve. Kjo dukuri, veçanërisht është shprehur tek personat e popullarizuara të jetës kulturore dhe politike. Duke i sajuar në veprat e veta, shumë dizajnues, piktorë dhe stilistë, inspirohen nga dukja e këtyre simboleve.


Edhe pse njihen si shenja dhe formula autentike mistike, pak kush e di se talismanëve ose amuleteve, para përdorimit të tyre, fillimisht, me ritual të caktuar, duhet t'ju bhet edhe bekimi adekuat. Pa këtë bekim, amuleti ose talismani, nuk e ka forcën e ndikimit.


Bekimi i amuleteve, kryhet nga personat e caktuar dhe me aplikimin e ritualit tradicional. Rëndësi të veçantë ka edhe koha e bërjes së ritualit, që zakonisht i përshtatet pozitës së planetëve, e posaçërisht të Hënës.

Shenja dhe simbole mbrojtëse kolektive

Shikuar historikisht, përveç qëllimeve individuale, amuletet, talismanët dhe hajmalitë, kanë pasur një ndikim të gjerë edhe si mbrojtje kolektive të një populli, vëllazërie apo fisi të caktuar. Zakonisht, ato ishin shenja të forta kozmike, me një prejardhje dhe domethënie të caktuar magjike. Në kohërat e lashta, fillimisht, këto emblema i mbanin mbretërit, burrështetasit dhe udhëheqësit e sekteve dhe grupeve të caktuara me karakter religjioz. Më pas, me një praktikë të trashëguar nga popujt e lashtë, simbolet e ndryshme janë bërë identifikime zyrtare të shteteve të pranuara ndërkombëtarisht.


Dihet se çdo shtet i sotëm e ka stemën dhe flamurin vet identifikues. Këto simbole kombëtare, përveç se përmbushin nevojat konstituive dhe kushtetuese të shtetësisë, ato flakërojnë me një rrezatim të fortë të energjisë së akumuluar kolektive. Në to shkrihen emocionet e zjarrta të ithtarëve të shumtë që i përkasin atij kolektivi, andaj për mbrojtjen dhe nën valimin e tyre, shumica e njerëzve kanë dhënë edhe jetën. Sa për ilustrim, mund ta merrni shembullin e flamurit tonë kombëtar të Skënderbeut, atë të ngritur nga Ismail Qemali në Vlorë. Se sa gjak është derdhur gjatë historisë për këtë flamur, besoj se nuk ka nevojë për koment më të gjerë.

Sa është e vërtetë fuqia mbrojtëse e këtyre simboleve?

Amuletet, talismanët dhe hajmalitë, nuk janë vetëm shkrime dhe shkarravitje të pakuptimta, sikur mendojnë skeptikët. Në to, me kohë, nga ana e shumë gjeneratave, është derdhur energjia e madhe e besimit, gjë që shkakton efekte psikologjike në psiken e atyre që ju besojnë dhe i mbajnë. Përveç hajmalive, që zakonisht janë të shkruara arabisht me citate të ajeteve dhe sureve të përzgjedhura nga Kurani, amuletet dhe talismanët në vete përbëjnë simbole të ndryshme të planetëve, formula matematikore dhe shenja të ndryshme mistike në të cilat, formuluesit e tyre kanë ardhur në një gjendje psikike të transit (dimensionet shpirtëror mental). Andaj, besohet se ato kanë forcë hyjnore dhe janë çelës që hapin lidhjen me shtresat më të larta psikike.


Për fund, pa dashur të thellohemi në efektet e vërteta të këtyre simboleve, mjafton të dimë se, pikërisht ky besim i madh i njerëzve në efektin e tyre, aktivizon shumë mekanizma latente (mistike) psiko-imunobiologjike që veç ekzistojnë në brendinë e qenies sonë. Andaj, unë jam më se i bindur se dëshmitë e shumta të rezultateve pozitive shëruese të talismanëve, amuleteve ose hajmalive, duhet shpjeguar në vetë besimin e madh të njerëzve që kanë në fuqinë e tyre ndikuese.

A na mbron vërtet talismani?




Talismani i vërtetë i ngjan një baterie solare apo diellore, e cila rikarikohet. Ashtu si breshkat, ne kemi nevojë për një zhguall mbrojtës edhe pse të padukshëm, për të mbrojtur brishtësinë tonë.

E ardhmja na tremb, kemi frikë nga forcat e padukshme dhe kemi nevojë për shpresë, dashuri dhe lumturi.
Që nga kohët e lashta, njeriu ka mësuar ta dallojë atë që është e përgjithshme nga ajo që është e veçantë, sepse ka patur një simbol të veçantë, një ngjyrë apo një formë të pazakontë dhe një vlerë të shenjtë.

Praktikisht e veçanta ka një energji speciale që e bën magjike. Gjithçka që na rrethon mund të shndërrohet në një objekt fatsjellës: lule, kafshë, gurë, objekte, shenjë, forma gjeometrike, numra, letra alfabetike, qoftë dhe disa fjalë të shkruara.

Në Talisman janë të gravuara simbolet magjike, të cilat ndikojnë direkt në botwn astrale-eterike, pra me botën tjetër, këto simbole ndikojnë direkt në mbrojte të atij individi, familje ose shtëpie apo realizimin e një qëllimi të caktuar..
Shumë njerez e mbajne Talismanin edhe kur të sëmuret një njeri. Ata besojnë se ky mjet mund t'i mbrojë nga sëmundjet, madje se ka edhe fuqi shëruese. Talismanët ashtu si Amuletët bëhen edhe për fat në jetë, fat në punë, fat në martesë etj. Me bartjen e Talismanit me vete për mbrojtje kundra magjive të zeza ose lënies së tij në shtëpi, bëhet mbrojtja totale kundra çdo magjie të zezë, pra personi është i mbrojtur përgjithmonë. Besohet se, nëse Talismani është i bërë për qëllimet tjera dhe të këqija ai me të njëjtën fuqi ndikon te personi, duke e kthyer këtë të keqe kundër tij.

Fjala "Talisman" është fjalë francezo-spanjole. Në këto gjuhë ka ardhur prej Arabishtes - 'Talisman', ku në gjuhën arabe shqiptohet "Tatim". Ndërsa në gjuhën greke fjala "Talisman', do te thotë: të mbushësh ose mbushje dhe e tillë është natyra e Talismanit. Ai bëhet me shumë lloj objektesh, duke filluar prej letrës, drurit, pergamentit (lëkurës), gurit dhe metalit. Talismani më i fuqishëm bëhet në metal të Arit dhe në atë të Argjendit. Talismani pa
asnjë dyshim bën ndryshime në rrethin ku qëndron. Nëse Talismani programohet për mbrojtjen e tërë shtëpisë apo tërë familjes ku jeton ai, me siguri atë familje e mbron pa ndërprerë kundra sulmeve të errëta magjike që dikush mundohet t'i bëjë asaj familje apo shtëpie.

Po nëse Talismani është mbushur për një qëllim tjetër, si fat në dashuri apo sukses në financa, apo fat në jetë, ai ndikon me të njëjtën fuqi dhe intensitet pa ndërprerë te personi i dedikuar.

Talismanët ndikojnë si në fushën Psikologjike ashtu edhe në atë Magjike, pra përveç se të mbron, të bën dhe të ndihesh më mirë dhe më i mbrojtur.

Talismani përdoret si pikë përqendrimi i energjisë mentale të njeriut për një qëllim të caktuar.
Në qoftë se besoni mr të vërtetë në Talisman se ai ju ndihmon në mbrojtje ose pa marr parasysh se për çfarë qëllim tjetër besoni në të, kjo ju jep vetëbesim, zgjon optimizëm e mobilizon dhe aktivizon energjinë për arritjen e qëllimit të caktuar që ju e dëshironi.

Në këtë mënyrë formohet kushti më i mirë që ta arrini suksesin tuaj në mbrojtje apo për ndonjë arritje tjetër të ndonjë suksesi, si në dashuri, pasuri, fat, etj.

Pra sukseset apo mos sukseset varan nga këto kushte dhe veçanërisht në besim e plotë në vetvete. Besimi në fuqinë e Talismanit bën me të vërtetë ndryshime të caktuara te individët, familje apo masë.

Mirëpo, është edhe një gjë shumë interesante për Talismanët, siç e shpjegojnë magjistarët më të mëdhenj të tw gjitha kohërave, ku thonë se Talismanët ndikojnë edhe nëse individi nuk beson në të - këtë e ka treguar edhe praktika.
Pra, edhe te personi, i cili nuk beson në Magji të Zezë dhe sëmuret nga ajo, Talismani ndikon tek ky individ ose familja edhe pse ata nuk besojnë fare në të. Pra, besimi në talisman nuk bën gjë tjetër veçse ja shton atij më tepër fuqinë. Ai tërheq në vetvete energjinë psikike e kozmike dhe i kthen mbrapa ato të shumëfishuara.

Pra, Talismani është makinë psikologjike dhe simbolet që gjenden të gravuar në to e transferojnë energjinë tek një qëllim i caktuar, duke e matrializuar më vonë në botën fizike.

Talismani ndikon që dëshira tw realizohet. Është një makinë, e cila ndihmon në lidhjen e botës fizike me atë shpirtërore, duke e kthyer një dëshirë dhe një ëndërr në realitet.
Talismani ritual

Ku është dallimi i Talismanit tw zbrazët dhe atij të mbushur me rituale? Një Talismani i zbrazët është ai që e blen dhe e vë në qafë apo në dorë si zbukurim. Këta Talismanë nuk janë asgjë tjetër veç një zbukurim për qafën apo trupin tuaj. Ata i përngjanë një baterie elektrike, e cila nuk ka rrymë në të, pa rrymë bateria nuk bën dritë.

Ndërsa, Talismanët e mbushur me ritual special të Magjisë së Bardhë, janë si bateria elektrike e mbushur me rrymë, e cila jep pa ndërprerë dritë e të ndihmon që ta hapë rrugën natën për të parë dhe për të shkuar te qëllimi i caktuar.
Talismanët janë si Piramidat, të cilat e mbledhin energjinë prej kozmosit, por janë dhe si gjenerator edhe pse nuk prodhojnë vetë energji. Energjinë që ekziston si energji biokozmike e drejtojnë dhe e përqendrojnë në një qwllim të caktuar.

Talismanët kur bëhen vetëm për një individ, ndikojnë vetëm për atë individ dhe për asnjë tjetër. Por nëse bëhen për më shumë individ dhe mbushen me ritualin e duhur ata ndikojnë edhe tek ata persona.

Në Talisman duhet të cekët emri i individit ose familjes, datëlindja, ndonjë shenjë speciale si p.sh., shpirti i nënshkrimit të diellit apo të hënës, apo të ndonjë planeti tjetër.
Në talisman mund të fryhen lutje speciale si për mbrojtje kundra magjive të zeza, ashtu dhe për qëllime të caktuara sipas dëshirës së personit.

Nëse është i bërë si Talisman Universal pa u caktuar personi ose familja, atëherë fuqinë e tij e përqendron tek personi që e mban atë. Në pjesën e përparme të Talismanit janë të gravuara shenjat magjike të planetëve dhe sinjale, të cilat ndikojnë në mënyrë direkte në ndërdijen e personit (shpirtin).

Ndërsa mbrapa Talismanit, i cili zakonisht është i zbrazët mund të gravohet numri magjik i emrit të personit, për të cilin bëhet Talismani ose një shenjë fatsjellëse.

Amulets (Amuletum) janë objekte të formave të ndryshme që mbahen me vete, konsiderohen të kenë fuqi magjike për të shmangur sëmundjet dhe fatkeqës. Nga më njohurit janë brirët, gjysmëhënës së kuqe, gica, ankh, Kryqi i jetës, dhe Scrabble, Dora e Fatimes, e hunchbacks, këta të fundit në mesjetë konsideroheshin të rëndësishëm, mendjemprehtë dhe inteligjent është kishin një vënd të siguruar një vend nëpër pallatet e
pasanikëve, si këshilltarë të mbretit. Patkoi i vënë me këmbëzat lart konsiderohet një një amulet i fuqishëm.


Hajmali (nga "Talesma" greqisht apo nga "telsaman" arabe) është një objekt në të cilin shpesh herë janë të vizatuar karaktere dhe figura simbolike të cilave traditat popullore u japin vlerë dhe fuqi magjike.
Hajmali i Diellit, i veshur me besim dhe nderim, për të fituar dashamirësin e njerëzve të fuqishëm sjellë pasuri.
Hajmali i Hënës ruan dobësitë dhe shpëton nga rreziku. Ajo e Marsit bën të paprekshëm shton entuziazëmin dhe forcë.Edhe gurët kanë një fuqi magjike. Egjiptianët e lashtë dhe të Mesopotamians, i përdorinin ato për të komunikuar me jetën e përtejme. Gurët duhet të pastrohen dhe të rimbushen, duke i lënë ata nën ujë të rrjedhshëm për të paktën gjysmë ore dhe pastaj në diell për dy orë (10,00-12,00). Agata jep kurajo dhe forcë, largon korrupsionin; Jade promovon shëndetin, rrit hyrjen e parave; xhami vullkanik largon ligësinë; piriti rrit gëzimin e jetës; Uji detit forcon aktivitetin e ndjeshmërisë psikike; Bruzi mbron nga e keqja; Amber jep shëndet dhe energji.
Edhe disa barëra kanë fuqi magjike. Në magji kanë përdorur barëra dhe lule për të bërë rituale të ndryshme.
Dafina mbron kundër gjërave të këqija; Borziloku largon varfërinë dhe shpirtërore; Biancospino
sjell fat dhe lumturi; Artemisia

mbron lidhjet e dashuris; Luledielli sjell mbarësi dhe pasuri; Gjeshtra rrit hyrjen e parave; Zambaku dhuron pastërti dhe kthjellësi mendore; Lulëkuqja rrit forcën; Trëndafili rrit bukurin dhe dashurin.


Ka edhe shumë objekte të tjera që vet personat përcaktojnë që u sjellin fat duke patur dhe një vlerë sentimentale.

E pra cili është objekti juaj i fatit, nëqoftëse keni një të tillë?