Sa më e madhe është shpejtësia, aq më i madh është rreziku. Gjatë goditjes me shpejtësi 50 km/h ajri mund të shpërthejë aq fuqishëm nga mushkëritë saqë mund të vdisni nga ngufatja.

Megjithatë, njerëzit janë të obsesionuar me shpejtësinë dhe përgjatë historisë gjithnjë gjejnë mënyra të reja që atë shpejtësi të transportit ta rrisin. Nuk duhet harruar as entuziastët që jetojnë për të thyer rekorde.

Kësaj radhe me të vërtetë bëhet fjalë për “entuziazmin” dhe ja përse: Waldo Stakes nga Apple Valley në Kaliforni ka vendosur jo vetëm ta thyejë rekordin aktual të shpejtësisë së transportit tokësor prej 1.228 km/h, por “ta shkatërrojë” atë. Waldo Stakes është duke krijuar automobilin i cili duhet të arrijë 3.218 km/h (2,000 mph). Quhet Sonic Wind LSRV (Land Speed Record Vehicle.)

Ç’është e drejta ekziston edhe një program tjetër, me emrin Bloodhound SSC, i cili synon 1.600 km/h (1,000 mph), dhe derisa kjo bishë pas vetes ka një çetë të tërë inxhinierësh, shumë vite hulumtimi dhe 15 milionë dollarë, Stakes dhe Sonic Wind Land Speed Research Vehicle e tij janë “vetëm djemtë e mëhallës". Waldo punon si kontraktues, ndërsa kolegjin e ka braktisur në vitin 1974.

Edhe pse nuk ka kryer ndonjë kurs tradicional të inxhinierisë, ai ka studiuar principet në të cilat bazohen rekordet e shpejtësisë, derisa ka qenë ende fëmijë. Që nuk bëhet fjalë vetëm për ndonjë entuziast diletant flet fakti që Stakes tashmë ka siguruar dy motorë raketash XLR99, të ngjashëm me ata që kanë vënë në lëvizje avionin eksperimental famëkeq X-15. Kush e di, ndoshta del diçka prej kësaj… si fishekzjarrë. Shakanë anash, dikush megjithatë do të duhet të hyjë në këtë automjet dhe ta rrezikojë jetën.