Nga Bolivia arriti një incizim dramatik dhe shqetësues i autobusit të udhëtarëve që udhëton nëpër rrugë shumë të rrezikshme malore. Megjithë përpjekjet e jashtëzakonshme të shoferit, autobusi rrëshqiti dhe ra në një greminë të thellë rreth 50 metra. Autobusi ishte duke udhëtuar nëpër të ashtuquajturën Camino de la Muerte (Rruga e vdekjes), e cila për arsye të shirave të mëdha u bë shumë e rrëshqitshme dhe e baltosur. Ky ishte një nga faktorët kryesorë që shoferi i autobusit nuk ia doli ta kalojë me sukses. Për shkak të rrëshqitjes së pjesës së prapme të autobusit, ai ra pakthyeshëm në një greminë të thellë afro 50 metra. Në këtë aksident humbi jetën shoferi i autobusit, derisa udhëtarët paraprakisht qenë detyruar të dalin nga autobusi në mënyrë që ai të jetë më i lehtë dhe ta kalojë më lehtë këtë pjesë shumë të rrezikshme të rrugës. Por, ata mundën vetëm që me tronditje të madhe të shikojnë se si autobusi rrëshqet në greminë. Kjo rrugë brenda vitit merr 200 deri në 300 jetë njerëzish, kurse shtrihet ndërmjet qyteteve La Paz dhe Coroico. Në vitin 1995 kjo rrugë qe shpallur rruga më e rrezikshme në botë. Burimi i lajmit: /rtvfan.net/