Në video kompilimin e publikuar në YouTube, autori është përpjekur të gjejë piktura në të cilat janë pikturuar UFO ose edhe jashtëtokësorë. Disa vizatime janë të vjetra mbi 10.000 vite. Në këtë video gjenden punime nga të gjitha periudhat e artit njerëzor. Në disa prej këtyre pikturave janë shfaqur sfera ndriçuese në qiell, në të tjerat “pjata të vërteta fluturuese”, ndërsa ka edhe piktura në të cilat janë shfaqur vizitorët me helmeta të qelqta dhe veshje sikur të astronautëve.
Vështirë është të thuhet nëse këto piktura janë të bazuara në përvojat e vërteta ose janë vepra të zakonshme imagjinate, por gjithsesi këto vizatime janë intriguese dhe paraqiten prej fillimeve kur njeriu nisi të vizatojë në të gjitha rajonet e Tokës.
Përveç veprave artistike, ekzistojnë edhe disa përshkrime historike që nëpërmjet vizatimeve përpiqen të dokumentojnë takimin me krijesa të panjohura të cilat janë parë duke aterruar në Lindjen e Largët, ndërsa nuk mungojnë as përshkrimet për pjatat fluturuese prej xhamit dhe metalit.
Nëse jeni të interesuar për pak intriga në fushën e historisë së artit, gjithsesi duhet shikuar këtë kompilim interesant të cilën e postojmë më poshtë: