Rekordi Guiennes për postimin më të komentuar në Facebook i ka shkuar një studenti italian nga Salerno. Diçka e tillë është arritur nga Roberto Esposito, një djalë 26-vjeçar,i cili ka marrë 389 mijë komente në tre muaj. Roberto është një student i inxhinierisë aero-hapësinore në Napoli, që falë një postimi në Facebook ka marrë të gjithë këto komente mes muajit janar dhe mars. Megjithatë, sot komentet në këtë postim janë dyfishuar duke arritur kuotën e 540 mijë të tillë. Roberto ka një sit të tijin në internet dhe mban faqe të ndryshme në Facebook, ku "Rob" ka rreth 650 mijë fansa në total në të gjitha faqet e tij.