Interneti tashmë është pjesë e pazëvendësueshme e komunikimit, e punës, argjëtimit dhe informimit tonë. Në atë që quhet “Rrjeti i gjerë botëror”, apo “World Wide Web”, ekzistojnë miliarda faqe, linke, video, foto, madje edhe arkiva marramendëse dokumentash, librash dhe çdo informacioni tjetër.

Pothuajse çdo gjë reale, në kohët e sotme kalon edhe në procesin e dixhitalizimit. Printeri tridimensional po revolucionarizon teknologjinë, përplasjet e atomeve të CERN-it procesohen në formën e informacionit kompjuterik për të prodhuar më pas mjëra gigabajt ioformacione që gjithashtu po revolucionarizojnë fizikën. E ndërsa qëllimi madhor i së nesërmes është trans-humanizmi, ngarkimi i trurit njerëzor në Web.

E megjithatë interneti ka edhe pjesën e tij të errët. Atë pjesë për të cilën keni dëgjuar pak ose aspak.

Tregu i drogës, tregu i zi i armëve, prostitucioni dhe pornografia, miliona dokumente sekrete apo të deklasifikuara, ekzistojnë të gjitha të mbledhura në një vend që quhet “Deep Web” apo rrjeta e thellë.

Por çfarë është “Deep Web”, apo Web- i i fshehtë ?

I quajtur ndryshe edhe “Deep Net” apo “Dark Web” është pjesa e internetit ku indeksohen të gjitha faqet dhe informacionet që nuk pranohen të indeksohen në botën e internetit që ne njohim. E kjo për shkak të kontekstit të tyre të jashtëligjshëm. Për Web-in e errët ka të dhëna se është rreth 50 herë më i madh se pjesa tjetër e internetit, ajo ku ekzistojnë Facebook, Wikipedia, Google etj, që të gjithë i njohim.

Hyrja në të nuk rekomandohet, pasi lehtësisht mund të ekspozoheni në materiale me përmbajtje të rëndë si pornografi fëmijësh, informacione për drogërat, dhunën, dhe qindra konspiracione. Por gjithashtu mund të bini viktimë e vjedhjes së informacioneve tuaja private, të cilat më pas përdoren kundër jush.

Aty mund të blesh një pistoletë për 1 mijë dollarë, disa gram kokainë kolumbiane, apo mijëra pajisje elektronike të vjedhura si iPhone, Samsung etj. Mund të paguash me euro ose dollarë por përgjithësisht pranohen Bitcoins, monedhat elektronike.

Në “Deep Web” thonë se mund të gjesh edhe vrasës me pagesë, të blesh armë në tregun e zi, apo të punësosh një hacker që është i gatshëm t’i shkatërrojë jetën çdokujt që ju keni inat, kundrejt një pagese. Por shpesh herë këto oferta rezultojnë mashtrime, pasi çdokush mund të vjedhë paratë tuaja, për sa kohë që e vetmja mënyrë të logohesh në të, është nëpërmjet anonimatit.

Qindra arrestime janë bërë nga Interpol, CIA dhe shërbime të tjera që janë hedhur në luftë kundër kësaj pjese të errët të internetit, por sërish informacionet dhe faqet që mbyllen nga qeveritë, e gjejnë mënyrën për tu rishfaqur sërish.

“Interneti i fshehtë” është padyshim tregu i zi i botës moderne virtuale. Aty ku krimi lulëzon në një fshehtësi totale që e bën të vështirë gjurimimin nga agjencitë e krimit kibernetik.