Rusët do klonojnë Hitlerin...! Kjo është vetëm një pjesë e teksteve që këto ditë u paraqitën në gazetat ruse.

Agjencia e lajmeve ruse "Ria Novosti" bëri me dije se një grup hulumtuesish vendas kanë nisur një ekspeditë në liqenin Vostok, i cili mendohet se ka ekzistuar që parë 20 milionë vjetësh në akullnajën e Antarktik.

Ekspedita sipas shkencëtarëve rusë ka për qëllim zbulimin e formave të reja të jetës dhe grumbullimin e të dhënave për kohën e para epokës së akullit.

Por, sipas sipas agjencisë ‘Ria Novosti’, operacionet zyrtare janë një mbulesë pas së cilës zhvillohet kërkimi për bazën e fshehtë naziste e cila gjendet në këtë rajon, ku mendohet se gjendet edhe kufoma e Adolf Hitlerit dhe të bashkëshortes së tij Eva Braun.

Pohimet i argumentojnë me deklaratën zyrtare të admiralit nazist Karl Denic, dhënë në vitin 1943 nga e cila vërehej se poli jugor fsheh një mister të vjetër të paktën 70 vjet. Sipas arkivave ushtarake gjermane, disa muaj pas kapitullimit të Gjermanisë në vitin 1945, një nëndetëse gjermane arriti në polin jugor, ndërsa ekuipazhi bëri shpellë në të cilën gjoja fshihen disa kuti me relikte të ndryshme të Rajhut të Tretë.

Qëllimi i fundit i nazistëve ishte ruajtja e materialit gjenetik për liderin e dikurshëm famëkeq fashist që të klonohet dhe të lindte përsëri, dhe mesa duket këtë amanet të fundit nazist duan ta vënë në jetë rusët.