Voyager, i pari objekt njerëzor që kalon sistemin diellor

Sonda Voyager- 1 ka lënë sistemin tonë diellor, sipas disa shkencëtarëve.

Nëse konfirmohet, do jetë i pari objekt i përgatitur nga njerëzit që arrin diçka të tillë.

Sipas BBC, sonda është nisur në shtator të vitit 1977 për të studiuar fillimisht planetët, por ka vazhduar të udhëtojë.

Aktualisht thuhet se Voyager është 18 miliard kilometra nga Toka, ose 123 herë distancën mes planetit tonë dhe Diellit.

Bateria e sondës është prej plutoniumi dhe mendohet se do të gjenerojë energji edhe për rreth 10- 15 vite. Më pas pajisjet dhe transmetuesit e saj do shuhen.