Me sa duket, Facebook po bën dalje nga komuniteti i adoleshentëve. Shumë adoleshentë po lëvizin më shumë drejt platformave të mediave sociale si Instagram (në pronësi të Facebook) dhe SnapChat.

Kjo është e mundshme për shkak se aplikacionet e Instagram/SnapChat janë më tërheqës dhe për shkak se adoleshentët pëlqejnë të shkëmbejnë foto. Disa adoleshentë e përdorin Facebook vetëm si një mjet të fundit kur ata mërziten, shkruan krokodili.

Adam Ludwin, zhvilluesi i një aplikacioni për foto titulluar Albumatic, ka intervistuar një grup njerëzish nën moshën 25 vjeçare rreth aplikacionit të tij dhe shumica e tyre deklaruan se urrenin varësinë e aplikacionit nga Facebook. Ludwin tha, “Ata më dhanë një përgjigje tipike adoleshente. Jemi mërzitur me Facebook.”

Gjithashtu duket se Facebook është tepër i vetëdijshëm për këtë problem. Në raportin vjetor 10-K të Facebook, deklarohet, “Ne besojmë se disa nga përdoruesit tanë, veçanërisht adoleshentët, janë të vetëdijshëm dhe janë të angazhuar me produkte dhe shërbime të tjera të ngjashme me Facebook, ose si një zëvendësim për të”. Deklarata vazhdon duke cituar se biznesi mund të dëmtohet për shkak të mungesës së interesit nga përdoruesit.

Facebook po mundohet të gjejë një mënyrë të re për të kthyer përsëri adoleshentët në shërbimin e saj.