“Rasti i gjymtimit të një njeriu në vitin 1988 pranë liqenit artificial Guarapiranga në Brazil, është dëshmia më e mirë për ekzistencën e UFO-ve”, nënvizojnë studiuesit. Kufoma e burrit të gjetur në shtator të vitit 1988, në Brazil, ende nuk dihet se kujt i përket. Gjithashtu, askush nuk e di me siguri të plotë se si u gjetë trupi në atë vend…

Ndërsa kufoma ishte në gjendje të tmerrshme, raporti fillestar i policisë nuk bënte fjalë për shqetësim të veçantë. Çdokush mund të supozonte se burri kishte rënë pre e kafshëve të egra, prej të cilave kishte pësuar abuzim të rëndë. Por, pas përfundimit të autopsisë, filluan pyetjet e shumta dhe formimi i teorive të frikshme, teori përtej botëkuptimit tonë. Në raportin mjeko-ligjor përshkruhej një operim i frikshëm, rrënqethës, gjatë së cilit burri i paidentifikuar deri më sot, iu nënshtrua gjymtimit në rrethana të panjohura. Kushdo që të ishin autorët, vlerësohet se kishin nivel jashtëzakonisht të lartë e të saktë në kirurgji. Kishin synim specifik se cilat pjesë të trupit duhej të gjymtonin dhe se cilat organe duhej të hiqnin. Pra, nuk ishte një ndërhyrje amatoreske por tejet profesionale.

Më tronditësja e të gjithave, ishte gjymtimi makabër e brutal që iu bë burrit gjatë kohës që ai ishte ende gjallë. Ia hiqnin organet një e nga një, ndërsa ai jetone. Flasim për mizori të padëgjuar…

Studiuesit e UFO-ve dhe policia besojnë se mund të jenë dhe rreth dymbëdhjetë raste të tjera gjymtimesh të ngjashme me atë të liqenit artificial. Në qoftë se kjo është e vërtetë, është e dyshimtë nëse materiale të reja do të shohin dritën e publikimit në të ardhmen, duke marrë parasysh qëndrimin e shtetit të Brazilit ndaj botës perëndimore.

Në raste se të dhënat e Guarapiranga janë të vërteta dhe jo të sajuara, atëherë, bëhet gjithnjë e më i vështirë për t’u kuptuar opinioni se të gjithë jashtëtokësorët demonstrojnë një qëndrim relativisht miqësor ndaj njerëzve. Rasti i Guarapiranga tregon se ka një grup jashtëtokësorësh në planetin tonë që tregon përbuzje të plotë për ndjeshmëritë njerëzore.

Hollësitë e ekspertizës nuk kanë të sosur, në një pikë tjetër përmendej se: kishte heqje të gjerë indesh në shumë pjesë të fytyrës, kokës dhe qafës së viktimës. Kishte heqje të indeve të syve, të organeve të brendshme e të jashtme të dëgjimit (veshëve), të gjuhës dhe muskujve të tjerë. Gjymtymi ishte kryer nga duar të përvojshme dhe me shpejtësi të madhe. Mungesa e gjakderdhjes së tepërt nëntregon përdorimin e një mjeti të ngjashëm me Laser që prodhon ngrohtësi dhe ndihmon në djegien e buzëve të plagëve.


Kufoma ishte në gjendje të përsosur. Sipas raportit mjeko-ligjor, krimi përllogaritej të qe kryer 48 – 72 orë më parë nga koha e gjetjes. Në trup nuk u gjetën shenja të dukshme sulmi nga kafshë grabitqare. Gjithashtu, kufoma nuk binte erë e keqe, ashtu siç ndodh në raste të tjera. Gjakderdhja në plagë ishte e paktë. Ngjyra e errët që shohim në foto ishte për shkak të ndriçimit të kufizuar gjatë nxjerrjes së fotove, por edhe nga mpikjsa e gjakut në disa pjesë të trupit e fytyrës.

Siç duket qartë, mishi dhe buzët përreth nofullave ishin gjymëtuar njëlloj si në rastin e disa kafshëve të gjetura të masakruara kohë më parë. Përveç të lartpërmendurave, burrit i ishte hequra zorra e trashë, mushkritë, mëlçia, zemra, veshkat, thuajse të gjitha organet… Çuditërisht i kishin hequr testikujt, por jo penisin.

e tmerrshme sa gjynahhh