Vëllai i një personi që mendohet se ka vdekur pasi e ka ‘gëlltitur’ një gropë gjigande që u hap krejt papritur poshtë dhomës së tij të gjumit, ka treguar tmerrin e përjetuar dhe përpjekjen për të shpëtuar vëllain.

Amerikani Jeremy Bush tha se gropa ishte e gjerë rreth 6 metra dhe e thellë po kaq.

Jeff Bush, i vëllai, thërriste për ndihmë, por ai nuk arriti ta nxirrte dot nga gropa.

“Dëgjova një zhurmë të tmerrshme. Vrapova atje dhe dëgjova vëllain duke ulëritur,” tregon Jeremy mes lotëve.

“Gjithçka munda të shihja ishte një vrimë gjigande. Mund të shihja vetëm pak krevatin. Kërceva në gropë. Tentova ta kapja, por nuk mund të bëja asgjë. Ai ulërinte”.

Oficeri i parë i policisë që shkoi në vendin e ngjarjes tregon: “Dysheku, krevati, gjithçka ishte në gropë, ku ishte personi i parë, ndërkohë që personi i dytë po tentonte të shpëtonte të parin”.

Jeff Bush nuk shihej askund dhe policia thotë se është e pamundur që të vazhdosh kërkimet pasi shtëpia është bërë shumë e paqëndrueshme.

Gropa po vazhdon të zgjerohet dhe inxhinierët kanë mbërritur në vendin e ngjarjes për të përcaktuar shkaqet e ngjarjes së rëndë.

Në momentin e ngjarjes në shtëpi ishin pesë të rritur dhe një fëmijë dy vjeç, por askush nuk u plagos.

Gropa të tilla hapen krejt papritur në tokë. Shumica hapen për shkak të erozionit nga ujërat e nëndheshëm.

Në shumicën e rasteve ndodhin për shkaqe natyrale. Por mund të hapen edhe për shkak të aktivitetit njerëzor.

e tmerrshme skisha lexu dicka te tille