Prej më shumë se 50 vjetësh shkencëtarët po përpiqen të zbulojnë se përse në një pjesë të madhe të Kanadasë e sidomos në Hudson Bay, graviteti është më i dobët. Fenomeni për herë të parë është zbuluar në vitin 1960 kur ishte matur graviteti i fushës së planetit të Tokës. Janë dy teori që përpiqen ta shpjegojnë këtë fenomen. Teoria e parë përqendrohet në procesin që quhet konveksion e ai zhvillohet në koren e Tokës Koren e përbën shtresa e magmës e cila gjendet ndërmjet 100 dhe 200 kilometra nën sipërfaqe. Magma është tepër e nxehtë dhe vazhdimisht shpërthen, ngrihet e ulet për të krijuar rryma konveksioni. Konveksioni tërheq pllakat kontinentale të tokës poshtë dhe kjo e zvogëlon masën e këtij rajoni dhe për pasojë ka gravitacion të pakësuar. Teoria e re merr para sysh pllakën e akullt e cila ka mbuluar pjesën më të madhe të Kanadasë tashme dhe pjesën veriore të SHBA. Pllaka e trashë më shumë se tre kilometra ka mbuluar këtë rajon, ndërsa rajoni Hudson Bay ka qenë i trashë pothuaj katër kilometra. Ka qenë relativisht e rëndë dhe e ka shtyrë Tokën për poshtë e në periudhën prej 10 mijë vjetësh është shkrirë gradualisht dhe para 10 mijë vjetësh është zhdukur tërësisht. Këto ndryshime më ngadalë po kthehen në gjendjen e parë dhe për pasojë është ky fenomen. Megjithatë, disa teori të reja tregojnë se gravitacioni i zvogëluar është rezultat i dy teorive e parashihet që brenda pesë mijë vjetësh ky fenomen në atë rajon mund të zhduket tërësisht.

si ka mundsi gjith ai vend qe esht ai tmungoj dicka e tille