Lukrecie: “Ti Venerë, je e vetmja mbretëreshë e gjërave
të natyrshme. Pa ty asgjë nuk ngritet në mbretërinë e gjallë hyjnore,
dhe asgjë nuk bëhet e dashur dhe joshëse. Nëpër të gjitha malet dhe
detnat, nëpër të gjithë lumenjët e shpejtë, çerdhet zogjësh dhe lugina
me bar të shtrirë, ti i dridhë krejt gjoksat me dashuri të ëmbël dhe të
gjitha i çon kah lloji i vet të vazhdojnë rasën e tyre me epshin e
ndezur. Se në sythin e pranverës, kur kopeja e ngazëllyer kërcen nëpër
kullosa të blegruara, e lumenjët e rrëpirtë buqisin, dhe gjithçka
gëzueshëm niset pas teje, të xhindosur nga magjia.
Niçe në këtë
mënyrë i shpreh dashurisë lavdi: Dans le véritable amour c’est l’âme qui
enveloppe le corps ( Në dashurinë e vërtetë shpirti e mbështjellë
trupin).
Platoni: “Kë dashuria nuk e prekë, ai ecën nëpër errësirë”.
Santajani:
“Gjithçka ideale e ka bazën në natyrë; krejt nga natyra shndërrohet në
ideal. Dashuria mos t’i turpërohet prejardhjes së saj, e epshi le të
heshtë, po qe se nuk ngritet në besnikri dashurore.”Laplas: “Gjithçka duhet të vdes, vetëm dashuria i
largohet vdekjes. Me lindje ajo i kapërcen varret dhe greminën e
vdekjes. Sesa e shkurtë duket ajo kur vijnë dëshprimet e hidhura, e sa e
madhërishme është nga këndëvështrimi i gjithë botës! Përfundimisht,
sesi ajo shpëton një pjesë tonën nga shkatërrimi e prapë brengosshëm
ruan jetën tonë në rinin dhe fuqinë e fëmijës sonë!
Pasuria jonë
është vetëm lodhje, e jeta jonë është vetëm zjarr që shuhet. Por,
dashuria e ngroh zemrën me ngushllim të pashprehur, dhe atë më shumë kur
të ipet, sesa kur të merret. Krejt tjerat janë hiçësi. Për këtë arsye
le ta ruajm dashurinë!
Burger: “Ju, o të ditur,
që keni njohuri të gjëra e të thella, që nëpërmejt një meditimi të gjatë
dini, kur dhe si gjithçka çiftohet në natyrë, dini psenë e gjithë
këtyre dashurive, të gjithë këtyre bashkimeve seksuale; ju o të urtë të
shquar, mos ma fshihni, ju lutem! Hetoni në mendjen tuaj të mprehtë dhe
thomëni ku, kur dhe si më ndodhi të dashuroj, pse dashurova?”Konfucie: “Pa dashuri nuk do të ketë kurrfarë
marrëdhënie personale, pa respekt nuk do të ketë kurrfarë marrëdhënie të
ndershme. Kështu dashuria dhe respekti janë themele të sundimit.
Spinoza:
“Amor est titillatio, concomitante idea causae externae” – “Dashuria
është ngacmim, e shoqëruar me idenë e një shkaku të jashtëm”.
Shakespeare: “Who ever lovd, that lovd not at first sight?”- “Kush ka dashuruar ndonjëherë, po qe se nuk është dashuruar në shikim të parë?”
Shopenhauer:
“Çdo dashuri, sado qiellore që të duket, në të vërtetë i ka rrënjët në
instiktin seksual, madje është përherë e për të gjithë një shtytje
vendimtare seksuale, e veçant dhe e përcaktuar në mënyrë të përafërt, e
individualizuar në kuptimin më të rreptë.”
Osho: “Dashuria dhe meditimi është parolla ime. Dashuroni dhe meditoni. Meditoni dhe dashuroni.”
Shteti
Mosha
24/2/2023, 00:58 nga Kledja