Duke çarë përmes këtij liqeni me ngjyrë të pazakontë, duket sikur ky punëtor lundron në gjak.
Liqeni Retba në Senegal, në Afrikën Perëndimore, merr këtë ngjyrë të çuditshme për shkak të nivelit të lartë të kripës, ku në disa zona shkon më shumë se 40 për qind.

Punëtorët shkojnë përditë në liqen për të mbledhur mineralin, i cili mund të gjendet me grumbuj në brigjet afrikane.

Sikurse në Detin e Vdekur, notarët shtrihen në kurriz duke rrëshqitur me lehtësi, pasi përqendrimi i lartë i kripës lehtëson pluskimin mbi ujë.

Majkëll Danson, një ekspert i baktereve ekstremofile nga Universiteti Bath, tha: “Ngjyra si luleshtrydhe vjen nga organizmat kripë-dashës të quajtura Dunaliella salina. Ato prodhojnë një pigment të kuq që thith dhe përdor energjinë e diellit për të prodhuar më tepër energji, duke e bërë ujin të kuq. Liqeni Retba dhe Deti i Vdekur, të cilët kanë përqindje të lartë kripe, dikur mendohej se nuk kishin jetë (prej këtu e marrin emrin). Por në fakt në ta ka jetë”.

Mbledhësit e kripës duhet ta lyejnë lëkurën me një përbërës të veçantë, që i mbron nga dëmtimi prej kripës në liqenin tri metra të thellë.

Kristalet e kripës ngjiten pas trupave të punëtorëve që punojnë përditë në liqen për ta mbledhur. Fshatarët mandej e përpunojnë përpara se ta përdorin apo ta sheshin mineralin e çmuar.