Takimi me banorë të fushë-Krujës ishte një rast i mirë për kryetarin e Partisë Socialiste Edi Rama për të njohur të rinjtë e kësaj zone me programin e opozitës.

Sipas Edi Ramës, Rilindje Shqiptare e Partisë Socialiste u jep mundësi qytetarëve shqiptarë të rivlerësojnë burimet dhe pasuritë e qyteteve ku jetojnë, në mënyrë që ato të sjellin të ardhura për çdo banor dhe jo të jenë burim për pasurimin e qeveritarëve.

Zoti Rama solli si shembull Krujen, kryeqendrën historike të Shqipërisë, të cilën ai e përshkoi si qytetin që po shkatërrohet nga eksperimentet antimjedisore te qeverise se kryeministrit Berisha.

"...nuk do ta kthenin trupin e një vendi si Kruja, në një trup që duket sikur është shtirë në sallën e autopsisë pas vdekjes, duke e përdorur për një eksperiment të pamundur, një eksperiment që bëhet në kurriz të të gjithë njerëzve të zakonshëm, jo vetëm të Krujës, por edhe të të gjithë vendit, vetëm e vetëm që një grup njerëzish të përfitojnë në mënyrë të pallogaritshme dhe pastaj të largohen, duke lënë mbrapa dicka aq të tmerrshme dhe aq të shëmtuar sa as pushtuesit e Krujës nuk e lanë mbrapa", tha Rama.

Sipas kreut te opozites ky shkaterrim i qyteteve per te pasuruar nje grusht njerezish mund dhe duhet te ndalet, nese shqiptaret bashkohen me Partine Socialiste dhe alternativen e saj te rindertimit te vendit.

"Prandaj, miqtë e mi, besojeni se nëqoftëse bëhemi bashkë me të tjerë akoma, që njësoj si ju i vuajnë edhe varfërinë edhe papunësinë, edhe korrupsionin edhe çmimet e larta edhe mungesën e fushave të futbollit edhe mungesën e kopshteve, të çerdheve, të qendrave të kujdesit shëndertësor, atëherë ajo frika që ka hyrë shumëkund si kërcënim, se 'po na dolët kundër, në të lëmë pa bukë', ajo frikë do të zbrapset dhe përpara jush do të hapet rruga e Shqipërisë që meritoni, rruga e vendit që meritoni, e fshatit që meritoni", tha Rama.

Gjate takimit ne Fushë-Krujë, Edi Rama u dha kartat e anëtarësisë në Partinë Socialiste 260 anëtarëve të rinj.


tch