Proceset integruese dhe raportet ndëretnike kanë qenë temat kryesore në takimin që u mbajt në Kuvendin e Maqedonisë mes kryeparlamentares së Shqipërisë Jozefina Topalli dhe kolegut të saj maqedonas Trajko Veljankovski.

Duke folur për incidentet e fundit ndëretnike në Maqedoni, zonja Topalli tha se dhuna është koncepti i atyre që gjithmon janë në rrugë të gabuar.

“Dhuna është e papranueshme, dhuna është koncepti i atij që e ka gjithmonë gabim. Por reagimi i shpejtë i institucioneve dhe ndëshkimi i këtyre rasteve është përgjigje europiane, është përgjigje që kërkohet dhe vlerësojmë se ajo realizohet”, tha zonja Topalli.

“Biseduam edhe për marrëdhëniet ndëretnike. U pajtuam se të


Kryetare e Kuvendit të Shqipërisë gjitha çështjet që paraqiten gjatë jetës së përditshme në të dyja shtetet, është mirë që të zgjidhen në mënyrë institucionale dhe në mënyrë të shpejtë e dinamike, në bashkëpunim mes dy shteteve”, tha nga ana e tij, Trajko Veljanovski, kryetar i Parlamentit të Maqedonisë.

Dy bashkëbiseduesit thanë se ardhmëria e dy vendeve është në Bashkimin Europian, ndërsa kryeparlamentarja e Shqipërisë përsëriti mbështetjen e fuqishme për Maqedoninë në rrugën e anëtarësimit në NATO.

Pas këtij takimi me kolegun e saj maqedonas, zonja Topalli mbajti një fjalim para deputetëve të Maqedonisë, ku tha se raportet me Shkupin, Tirana i konsideron vecënarisht të rëndësishme, si marrëdhënie të dy vendeve fqinje që kanë interesa për paqe dhe demokraci.

“Për Shqipërinë, bashkëpnimi rajonal shkon përtej shprehjes së vullnetit politik të fqinjësisë së mirë. Shqiptarët që jetojnë këtu janë lidhja më e vacant dhe shumë e shtrenjtë. Ajo është një urë e fortë. Ata janë qytetarë të Republikës së Maqedonisë dhe kontribuojnë ëktu. Vitin e kaluar, në Shkup, ju festuat 10 vjetorin e Marrëveshjes së Ohrit, Marrëveshje që ka vendosur themelet për paqe dhe demokraci. Zbatimi i saj mbetet vendimtar për të ardhmen evropiane të vendit”, tha zonja Topalli.

Në ditën e dytë të vizitës në Shkup, kryeparlamentarja shqiptare është pritur nga krerët më të lartë shtetëror në Maqedoni. Një ditë më parë ajo takoi edhe lidërët e partive shqiptare Ali Ahmetin e BDI-së dhe Menduh Thaçin e PDSH-së. Ndërkaq, Komuna Cair në Shkup me shumicë shqiptare e ka shpalluar zonjën Topalli, qytetare nderi.
tch