Antropologët në Meksikë thonë se mbetjet e 167 personave që janë gjetur në një gropë në shtetin jugor të Chiapas ishin pjesë e një varreze antike. Instituti Kombëtar i Antropologjisë tha se nga testet e kryera del se mbetjet i përkasin shekullit të XVIII (1701-1800).
Shkencëtarët presin që të përcaktojnë edhe se cilit komunitet i përkasin. Fillimisht, u besua se trupat i përkisnin luftës civile në Guatemala, e cila ndodhi disa dhjetëvjeçarë më parë.
Fermerët thanë se trupat u gjetën në një gropë në Nuevo Ojo de Agua rreth 20 km larg kufirit me Guatemalën. Siç shkruan BBC trupat ishin të paktën 50-vjeçare, çka bëri që autoritetet të besonin se i përkisnin konfliktit të vitit 1960-1996. Por ekspertët ligjorë thanë se deformimet e kafkave janë tipike me ato të komuniteteve që kanë jetuar të paktën 1 mijë vjet më parë, ndaj hidhen dyshime mbi vjetërsinë e mbetjeve.