Identifikohet kufoma e gjetur në Currila, Durrës. Trupi i pajetë i përket Dine Bulshakut, banor i lagjes 18 Durrës. Ai vunate nga skleroza dhe dyshohet se ka humbur jetën nga rrëzimi.

* * *

Një tup pa jetë është gjetur mëngjesin e sotëm në bregdetin e Durrësit, në zonën e njohur si Currilat. Viktima është gjendur në një sektor të mbushur me gurë dhe paraprakisht mendohet se vdekja e tij mund te ketë ardhur nga shkaqe aksidentale rënieje nga një lartësi prej rreth 2 metër.

Kjo gjë mendohet sepse në pjesën e përparme të ballit ai kishte një plagë të freskët të gjakosur. Nisur nga mpiksja e gjakut dhe gjendja e kufomes mendohet se vdekja e tij ka ndodhur rreth orës 05.00 të mëngjesit.

Policia ka deklaruar se kufoma nuk është e identifikuar por mendohet se mosha e tij është reth 50-60 vjeç. Ekspertët e policisë në vendngjarje kanë njoftuar se viktima kishte të veshura pantallona të zeza si dhe një triko ngjyrë gri. Ai kishte edhe një këmishë të kuqe me kuadrate.

Nga këqyrja paraprake e viktimës nuk rezulton që të ketë pasur goditje të tjera dhe as gjurmë të ndonjë plage me armë zjarri. Në pjesën e përparme ai i kishte flokët e rëna si dhe ishte i thinjur. Policia ka nisur hetimet dhe nga pyetjet paraprake ka rezultuar se viktima nuk ishte banor i zonës, por dyshohet se mund të ketë qenë ndonjë i punësuar në ndonjë lokal në afërsi të Currilave.

Trupi i pajetë është dërguar në morgun e spitalit rajonal, ku pritet t’i nënshtrohet ekspertizës mjeko-ligjore. / Mark Brunga