Motrat “ujkonja”


Tri motrat janë bërë të famshme në mbarë botën falë një çrregullimi të rrallë gjenetik i njohur si ‘Sindroma Ujk’.

Kjo sindromë është shumë e rrallë, por është e pabesueshme se si tri motrat dhe nëna e tyre janë diagnostikuar me këtë mutacion të rrallë gjenetik, i cili prek vetëm një në një miliard njerëz.
Motrat Sangli – Savita (23 vjeçare), Monish (19), Savitri (15) – dhe nëna e tyre Anita Sambhaji Raut, të gjitha vuajnë nga hypertricosis universalis, një sëmundje e cila ndikon në rritjen e qimeve në tërë trupin përfshirë edhe fytyrën.

Vajzat vazhdojnë të vuajnë nga volumi i madh i qimeve në fytyrë të cilat vazhdojnë të rriten në mënyrë të pakontrolluar dhe vështirë se hiqen.

Pasi kanë luftuar me këtë gjendje gjatë tërë jetës, vajzat tash kanë filluar të kthejnë gjendjen nën kontroll me ndihmën e një kremi special për heqjen e qimeve.