Reshjet e dëborës kanë vijuar edhe gjatë natës së djeshme në të gjithë zonat malore. Për pasojë emergjencat civile raportojnë të paktën 38 komuna të bllokuara kryesisht në Shkodër, Kukës dhe Dibër, Korçë dhe probleme ne qarkun e Gjirokastrës.

Reshjet e shiut te dites se djeshme lehtesuan levizjen ne disa rruge nacionale qe ishin te mbuluara me debore dhe akull. Megjithate, ne disa rruge nacionale keshillohet perdorimi i zinxhireve, behet fjale per rruget qe lidhin Puken, Kukesin, Peshkopine, Bulqizen, Burrelin.

Disa probleme kane dhe ne disa komuna te Permetit, Kolonjes, si dhe ne zonen malore ne Korce.
Emergjencat civile ne disa raste kane perdorur edhe helikopteret per te transportuar nga zonat e thella personat qe
Moti i keq
Erë e stuhi në Bulqizë
Problematika nga dëbora
Shqipëria ngrin javën e ardhshme
kane patur nevoje per nderhyrje mjekesore.

Parashikimet e motit flasin per reshje te reja debore veçanerisht ne veri dhe verilindje, si dhe per probleme te vazhdueshme ne rruge ku keshillohet perdorimi i zinxhireve. Mesimi eshte nderprere ne shume zona ku eshte e pamundur levizja e mjeteve dhe njerezve nderkohe qe edhe temperaturat ne disa grade nen zero kane shkaktuar nderprerje te aktivitetit ne shkolla.

Ndërkohë Policia e Shtetit njoftoi të hënën në mëngjes për situatën e qarkullimit në rrugë:

Në qarkun Kukës, aksi Morinë-Kalimash i kalueshëm me zinxhirë
Akset Kukës-Krumë, B.Curri-Qafë Morinë, të kalueshëm me zinxhirë
Aksi rrugor B.Curri-Fierzë, i kalueshëm me zinxhirë
Akset B.Curri-Valbonë, Krumë-B.Curri janë të pakalueshëm
Akset Krumë-Qafë Prush dhe Kukës-Topojan kalohen zinxhirë
Aksi Topojan-Shishtavec i pakalueshëm
Në Dibër, aksi Peshkopi-Bulqizë-Klos kalohet me zinxhirë
Aksi Bulqizë-Shupenzë-Ostren i kalueshëm me zinxhirë
Aksi Peshkopi-Sllovë-Kala e Dodës në drejtim të Kukësit i kalueshëm me zinxhirë
Aksi Peshkopi-Muhurr-Arras i kalueshëm me zinxhirë me vështirësi
Akset Stëblevë-Librazhd dhe Arras-Lurë janë të pakalueshëm
Aksi rrugor Shkodër-Mabe i kalueshëm, por ka ngrica
Aksi Shkodër-Koman i kalueshëm, por ka ngrica
Akset Qafë Celë-Pukë-Fushë Arrës dhe Fushë Arrës-Gjegjan-Shpal kalohen me zinxhirë
Aksi Fushë Arrës-Qafë Mali-Qafë Shllak i pakalueshëm
Akset Bogë-Theth dhe Selcë-Vermosh të pakalueshëm po punohet për pastrimin e tyre
Akset në drejtim të Dukagjinit dhe Fushë Arrrës-Iballë janë të pakalueshme
Aksi Korçë-Ersekë-Leskovik kalohet me zinxhirë
Në qarkun Gjirokastër, aksi Përmet-Carshovë kalohet me zinxhirë

Korçë,bllokohen disa komuna

Moti i keq ka prangosur serish juglindjen e vendit. Prej oreve te para te mengjesit të së hënës kane nisur reshjet e dendura te bores ne te gjithe qarkun duke sjelle edhe problematiken e tyre persa i perket levizjes se mjeteve. Me e ngarkuar situata ka qene ne zonen e Ersekes ku per shkak te bores Qafa e Qarrit dhe aksi Erseke Leskovik mund te kalohen vetem me zinxhire.

E njejta situate eshte edhe ne segmentin Korce-Dardhe ku rruga eshte hapur per automjetet vetem me nje kalim dhe eshte i domosdoshem perdorimi i zinxhireve. Edhe drejt fshatit turistik te Voskopojes eshte i detyrueshem perdorimi i zinxhireve pasi trashesia e bores ka arritur ne 30 centimetra duke krijuar veshtiresi per automjetet.

Por problematike kane ndeshur edhe komunat e shumta te cilat thuajse jane te bllokuara nga bora. Komunat si Novosele dhe Barmash ne Erseke, Moglice, Mokerr ne rrethin e Pogradecit apo edhe disa fshatra ne Devoll thuajse e kane te pamundur komunikimin me zonat e tjetra per shkak te bores. Sipas te dhenave pritet qe reshjet e bores te vijojne deri mesditen e se martes gje qe parashikohet te shtoje edhe problematiken.

Mbyllen shkollat ne zonat veriore

Disa zona në veri dhe verilindje të Shqipërisë vazhdojnë të vuajnë pasojat e motit të keq dhe reshjeve të borës.

Situata meteorologjike ka detyruar autoritetet në disa zona malore, kryesisht në veri, që të ndërpritesin procesin mësimor. Drejtoria rajonale arsimore te Dibrës dhe te Pukës kanë bërë të ditur se procesi mësimor do të ndërpritet për disa ditë për shkak të temperaturave të ulëta dhe sasisë së madhe të borës.

Shkollat në Pukë nuk kanë nisur edhe kete te hene mësimin, ndërsa procesi është pezulluar në të gjitha shkollat në komunat e Kukësit edhe për këtë javë. Janë shfaqur probleme me emergjenca shëndetësore në komunën Golaj të Hasit dhe në komunën Tropojë e Vjetër, si dhe probleme me rezervat ushqimore në Zapod të Kukësit, ku bora arrin në trashësinë mbi 2 metër.

Komuna Trebisht në Dibër prej 6 ditesh vuan mungesën e energjisë elektrike. Ndërkohë në Korcë raportohet se janë të kalueshme me zinxhirë Qafa e Qarrit, Ersekë-Leskovik, Korcë-Vokopoje dhe Korcë-Dardhë, e bllokuar eshte vetëm komuna Lekas.