Astronomet thone se toka mund te kete deri ne 160 miliarde fqinje planetare ne galaktiken e saj. Sipas nje studimi te ri te ketyre astronomeve, secili prej 100 miliarde yjeve ne ate qe njihet si Rruga e Qumeshtit ka te pakten nje planet qe rrotullohet rreth tij. Sic na informon Zeri i Amerikes, shkencetaret thone se numri shume i madh i te ashtuquajturve planete te jashtem shton mundesine qe ne te pakten nje prej tyre me ne fund mund te zbulohen shenja jete.

Me qe shkencetaret nuk mund te numerojne cdo planet ne galaktiken e Rruges se Qumeshtit, ata analizuan te dhena te perzgjedhura nga vezhgimet ne nje numer te vogel te rreth 100 milion yjeve te distances dhe pastaj llogarisin numrin e planeteve ne gjithe galaktiken.
Projekti 6 vjecar perfshin vezhgime te 42 astronomeve nga e gjithe bota. Nje grup me i vogel shkencetaresh shqyrtoi te dhenat per te gjetur prova nepermjet lentes kozmike zmadhuese, ne te cilen drita e nje ylli ne sfond ndryshon dhe ndricohet nga fusha e gravitetit te nje ylli tjeter qe kalon plotesisht para tij.

Kur rreth yllit te dukshem rrotullohen nje ose me shume planete me fushat e tyre te gravitetit, ndricimi i kapur nga lentet zmadhuese flet per nje luhatje te qarte dhe domethenese. Dhe kjo mund te vazhdoje per ore ose edhe dite te tera, varesisht nga madhesia e planetit te jashtem dhe zgjatja e orbites se tij, thote studjuesi Kailash Sahu i Institutit te Hapesires prane Universitetit Johns Hopkins ne Maryland. Zoti Sahu ndihmoi ne krijimin e teknikes se vezhgimit me lente kozmike zmadhuese ne mes te viteve 1990-te.

Ai thote se kjo teknike u mundeson astronomeve te zbulojne planete shume te vegjel e shume te larget.

“Kjo teknike eshte shume e rendesishme per gjetjen e planeteve shume larg tokes, deri ne skajet me te largeta te galaktikave. Keshtu ne mund te kemi nje ide me te mire per planetet qe ekzistojne ne te gjithe galaktiken e tokes dhe jo vetem ne distancat e aferta te saj perreth diellit”.
Zoti Sahu thote se shume prej astronomeve te yjeve kane analizuar nje ose me shume planete. Ata gjeten rreth 1 mije e 500 sisteme te tilla te huaja diellore brenda 50 vjetesh drite nga toka.

Shkencetaret thone se dy te tretat e gjithe planeteve te jashtem, qe ata zbuluan me lentet kozmike zmadhuese jane ndoshta rreth 5 here me te medhenj se sa madhesia e tokes dhe nje e peta e tyre kishin madhesine e Jupiterit. Por jane pikerisht planetet me madhesine e tokes qe kane ngjallur imagjinaten e astronomeve si Kailash Sahu.

“Kupa e shenjte do te ishte gjetja e planeteve si toka me disa vecori qe mund te suportojne ekzistencen e jetes. Tani ne kemi gjetur se me te vertete planetet si tika jane te zakonshem. Ajo qe ne do te perpiqemi te gjejme eshte se cilet planete mund tye mbajne uje dhe te suportojne jeten”.

Deri tani astronomet kane konfirmuar ekzistencen e mbi 700 planeteve jashte sistemit tone diellor. Edhe 2 mije planete te jashtem presin te verifikohen.
Studimi, qe perllogarit deri ne 160 miliarde planete ne galaktiken e Rruges se Qumeshtit, eshte botuar ne numrin e fundit te revistes Natyra.