Një kalë që jetonte në stallë , nuk kishte dalë kurrë vetëm jashtë shtëpisë , por gjithmonë dilte i shoqëruar me të ëmën .
Një ditë nëna e tij i tha :Ka ardhur koha që ti të dalësh dhe të kryesh disa punë për mua .Do çosh këtë thes me grurë në mulli .
Kali i lumtur që do ishte i dobishëm , me thesin në kurriz u nis drejt mullirit me trok .
Pasi kishte vrapuar goxha , rruga e çoi afër një lumi të fryrë nga uji që rridhte duke gurgulluar .
Cfarë duhet të bëj ? Duhet ta kaloj ?
Ai qëndroi në breg i pasigurt .Nuk dinte kujt ti kërkonte këshilla .Vështroi përreth dhe pa një dem të vjetër . Iu afrua dhe vendosi ta pyesë :
Mund ta kaloj unë lumin ?
Sigurisht , uji nuk është shumë i thellë , më arrin mua deri në gju , shko i qetë .
Kali u nis me vrull drejt lumit por në breg , kur ai ishte gati për të kaluar , një ketër iu afrua dhe i tha i shqetësuar : Mos kalo , mos kalo !Uji është i rrezikshëm dhe ti rrezikon të mbytesh !
Po pse kaq i thellë është lumi ? pyet kali i shqetësuar .
Sigurisht , miku im u mbyt dje - i tha ketri me trishtim .
Kali nuk dinte kujt ti besonte ,ai u kthye përsëri te e ëma për ti kërkuar këshilla .
Unë u ktheva sepse uji ishte shumë i thellë - i tha nënës i zënë ngushtë .Nuk mund ta kaloja dot lumin .
A je i sigurt ? Unë e di se uji është i cekët - iu përgjigj e ëma .
Këtë më tha dhe demi por ketri këmbënguli që të mos ta kaloja , shoku i tij ishte mbytur dje .
E ëma i thotë : Pa mendoje njëherë mirë , uji është i cekët apo i thellë ?
Në të vërtetë unë nuk e mendova më parë .
Djali im ,nuk duhet ti dëgjosh këshillat , pa menduar më parë me kokën tënde .Mund t'ja dalësh edhe vetë .
Demi është i madh dhe i fortë dhe natyrisht do thotë që lumi është i cekët , ndërsa ketri është aq i vogël sa mund të mbytet edhe në një pellg , prandaj thotë që lumi është i thellë.

Pasi dëgjoi fjalët e nënës , kali u nis me vrull dhe plot besim drejt lumit .
Kur ketri e pa që kali kishte futur këmbët në ujë bërtiti : Pra ti ke vendosur të mbytesh ?
Dua të provoj ta kaloj - i thotë kali .
Kali duke u futur në lumë zbuloi se uji nuk ishte aq i cekët sa i tha demi , dhe as i thellë sa i tha ketri .

sa tregim i bukur por kam pershtypje se esht tregim per femije

esht tip fabule ne fakt, duket si per femij por ka kuptim per te rritur nqs lexohet me vemendie...

me vemdnje e kam lexu....edhe u duk tregim interesant