Turqi, akuza: Burg përjetë për ish-Presidentin
10/01.2012 15:15
Facebook
Një gjykatë në Turqi pranoi padinë ndaj presidentit të shtatë në historinë e vendit, Kenan Evren, për rolin e luajtur prej tij në grushtin e shtetit të vitit 1980.
Prokurorët kanë kërkuar burgim të përjetshëm për ish-kreun e shtetit, gjeneralin 94-vjeçar dhe të njëjtin ndëshkim për një tjetër gjeneral, 86-vjeçarin Tahsin Sahinkaya, të vetmit që jetojnë ende nga grupi i pesë udhëheqësve të komplotit.
Një javë më parë, shefi i përgjithshëm i shtabit të ushtrisë u vendos në arrest shtëpie, si i dyshuar për një tjetër komplot të vitit 2003.
Gjenerali Ilker Basburg përgënjeshtroi pjesëmarrjen në rrjetin e ashtuquajtur “Ergenekon”, i dyshuar se tentoi të rrëzonte qeverinë e Erdoganit.
Hetimi i liderave ende në jetë të grushtit të shtetit të 12 shtatorit 1980 erdhi vetëm pas ndryshimit të kushtetutës së vitit 1982, që ndalonte shprehimisht hetimin e udhëheqësve të ushtrisë.
Në vitin 2010, ish-presidenti Evren u shpreh se do të preferonte vetvrasjen, në vend që të paraqitej në gjyq, duke argumentuar se ndërhyrja e ushtrisë shpëtoi Turqinë nga dhuna në rritje e rrugëve, midis grupimeve të ekstremit të djathtë dhe të majtë.
Pas komplotit të udhëhequr prej tij, 600 mijë persona u arrestuan, shumë prej tyre u torturuan, ndërsa 50 u ekzekutuan me varje.
Ky ishte komploti më i përgjakshëm në historinë e Turqisë, që ka përjetuar grushte shteti edhe në vitin 1960 e 1971. Ushtria, gjithashtu detyroi koalicionin qeverisës që të largohej nga pushteti në vitin 1997.
top-channel
10/01.2012 15:15
Një gjykatë në Turqi pranoi padinë ndaj presidentit të shtatë në historinë e vendit, Kenan Evren, për rolin e luajtur prej tij në grushtin e shtetit të vitit 1980.
Prokurorët kanë kërkuar burgim të përjetshëm për ish-kreun e shtetit, gjeneralin 94-vjeçar dhe të njëjtin ndëshkim për një tjetër gjeneral, 86-vjeçarin Tahsin Sahinkaya, të vetmit që jetojnë ende nga grupi i pesë udhëheqësve të komplotit.
Një javë më parë, shefi i përgjithshëm i shtabit të ushtrisë u vendos në arrest shtëpie, si i dyshuar për një tjetër komplot të vitit 2003.
Gjenerali Ilker Basburg përgënjeshtroi pjesëmarrjen në rrjetin e ashtuquajtur “Ergenekon”, i dyshuar se tentoi të rrëzonte qeverinë e Erdoganit.
Hetimi i liderave ende në jetë të grushtit të shtetit të 12 shtatorit 1980 erdhi vetëm pas ndryshimit të kushtetutës së vitit 1982, që ndalonte shprehimisht hetimin e udhëheqësve të ushtrisë.
Në vitin 2010, ish-presidenti Evren u shpreh se do të preferonte vetvrasjen, në vend që të paraqitej në gjyq, duke argumentuar se ndërhyrja e ushtrisë shpëtoi Turqinë nga dhuna në rritje e rrugëve, midis grupimeve të ekstremit të djathtë dhe të majtë.
Pas komplotit të udhëhequr prej tij, 600 mijë persona u arrestuan, shumë prej tyre u torturuan, ndërsa 50 u ekzekutuan me varje.
Ky ishte komploti më i përgjakshëm në historinë e Turqisë, që ka përjetuar grushte shteti edhe në vitin 1960 e 1971. Ushtria, gjithashtu detyroi koalicionin qeverisës që të largohej nga pushteti në vitin 1997.
top-channel
Shteti
Mosha
24/2/2023, 00:58 nga Kledja