Kanadezja 10-vjeçare, Kathryn Gray, është bërë personi më i ri që ka zbuluar një supernova – shpërthimin e yjeve që për disa çaste ndriçojnë tërë galaksinë.
Vogëlushja ka studiuar të dhënat nga observatorët amatorë, të cilët i ishin dërguar babait të saj. Ajo ka vërejtur supernovën më 2 janar.
Supernovat janë ngjarje shumë të rralla dhe tregojnë vdekjen e yjeve disa herë më të mëdhenj se Dielli.
Supernova është zbuluar në galaksinë UGC 3378 rreth 240 milionë vjet drite larg nga toka në yjësinë Camelopardalis.
Paul, babai i vajzës, i cili është astronom amator, e ka ndihmuar Kathryn në zbulim, ashtu që i ka treguar se si të dallojë asteroidet dhe të kontrollojë listën e supernovave të njohura tani për tani.
Në deklaratën e Shoqatës Astronomike Kanadeze (RASC), zbulimin e ka konfirmuar astronomi i pavarur dhe zyrtarisht është regjistruar.
Në gjurmimet për supernova përfshihet vështrimi i përgjithshëm i imazheve të vjetra të fushave yjore dhe krahasimi i tyre me fotografitë e reja.
Kathryn ka bërë me gisht nga ekrani dhe ka pyetur “A është supernova?” Jam përgjigjur pozitivisht. Është fantastike që dikush kaq i ri të interesohet me pasion për astronominë. Ky është zbulim me të vërtetë i pabesueshëm”, ka thënë Paul Gray për mediet lokale. Supernova e re ka fituar emrin “Supernova 2010 lt”.
Supernova e fundit në galaksinë tonë ka ndodhur para disa qindra vjetësh.
Në deklaratën e RASC theksohet që supernovat veçanërisht u interesojnë astronomëve, sepse krijojnë shumicën e elementeve kimike me ndihmën e të cilave është krijuar toka dhe planetët e tjerë. Supernovat e largëta mund të përdoren për të supozuar madhësinë e gjithësisë sonë.