Shteti
MoshaNjerëzit e parë në Evropë kanë jetuar para 45 mijë vjetësh
Dy studime të publikuara në revistën shkencore "Nature" kanë hedhur dritë të re mbi gjurmët e njerëzve të parë në Europë, duke sugjeruar se njerëzit e parë me anatomi moderne janë disa mijra vjet me të vjetër se ç'mendohej më parë.
Një analizë e dy dhëmbëve fëmijësh të gjetur në një shpellë në jug të Italisë, në Grotta del Cavallo, në vitin 1960 i ishin atribuar neandertalëve, por tani mendohet se në të vërtetë i përkasin një njeriu anatomikisht modern.
Stefano Benazzi, profesor i Paleontologjisë në Universitetin e Vjenës dhe autori kryesor në studim, raportoi se dhëmbët janë mes 43.000 dhe 45.000 vjetë të vjetër, gjë që i bën këto dhëmbë si treguesit më të vjetër të njeriut modern të identifikuara në Evropë.
Shkencëtarët kanë përcaktuar gjithashtu se një nofull dhe dhëmbë të zbuluar në vitin 1927 në një shpellë në Anglinë e Jugut, Shpella Kent, janë gjurmë të njeriut modern që datojnë më shumë se 41.000 vjet më parë.
Në vitet 1980, shkencëtarët sugjeruan se ato mund të ishin rreth 35.000 vjet të vjetra, por në sajë të një teknike të veçantë të karbonit të quajtur ultrafiltrim, Stringer thotë se ata kanë përcaktuar tashmë se nofulla dhe dhëmbët janë rreth 6,000 vjet më të vjetëra. “Njerëzit u zhvilluan shume shpejt, më shpejt se sa ne mendonim,” tha ai për faqen e internetit Science Now.
Por shkencëtarët ngritën disa shqetësime, rreth numrit të mostrave të dhëmbëve nga sheplla italiane. "Unë do të thosha, se edhe për shkak se vetëm dy dhëmbë janë gjetur në Cavallo del Grotta, ky studim është më e dobëti duke e krahasuar me atë në Angli," tha Michael Bolus, profesor i arkeologjisë në Universitetin e Tybingenit.
Kjo është për shkak se ka ngjashmëri të gjerë mes dhëmbëve të njerëzve modernë dhe neandertalëve dhe kështu fosilet në shpellën Kent, e cila përmban disa dhëmbë, ofron një pasqyrë më të saktë," tha ai.
Implikimet kryesore të studimeve të reja kanë të bëjnë me periudhën e kohës që neandertalët dhe njerëzit anatomikisht modernë besohet se janë përputhur dhe nëse neandertalët janë zhvilluar falë mjeteve të gërmimit dhe nxjerrjes së metaleve.
Para se të publikoheshin studimet e reja, fosilet më të vjetra të njerëzve modernë datonin rreth 40.000 vjet më parë, por me një marzh gabimi të madh për këtë shifër.
24/2/2023, 00:58 nga Kledja