Me 24 tetor do të dalë në shitje libri biografik i themeluesit të Apple, Steve Jobs. Gazeta Hufftington Post ka arritur të sigurojë një kopje të librit që pritet të hap debate të reja.

Përveç të tjerave, në libër zë vend edhe një pjesë ku shtjellohen marrëdhëniet e acaruara mes Bill Gates dhe Steve Jobs.

Në libër thuhet se Gates i ka thënë autorit të librit Walter Isaacson, se Jobs është një njeri shumë i çuditshëm ndërsa Jobs e ka cilësuar Bill Gates-in, si një njeri që nuk ka shpikur asgjë në jetën e tij, por që gjithë jetën është marrë me vjedhje të ideve të tjerëve.

Autori i këtij libri është Walter Isaacson, ndërsa libri është përgatitur nga intervistat e shumta që ky autor ka zhvilluar me Steve Jobsin.