Zbuluar nga: Johann Gotfried Galle
Data e zbulimit: 23 Shtator 1846
Masa (Toka = 1): 17.135
Rrezja në ekuator: 24,746 km
Densiteti mesatar: 1.64 gm/cm3
Distanca mesatare nga Dielli: 30.0611 Toka = 1
Perioda e rrotullimit rreth Diellit: 164.79 vjet
Shpejtësia mesatare në lëvizjen rrotull Diellit: 5.45 km/s
Eksentriciteti i orbitës: 0.0097
Animi i boshtit të rrotullimit në lidhje me planin e orbitës: 28.31 gradë
Animi i orbitës: 1.774 gradë
Graviteti në ekuator: 11.0 m/s2
Shpejtësia e parë kozmike: 23.50 km/s
Ndriçimi i dukshëm gjeometrik (albedo): 0.41
Temperatura mesatare e reve: nga -193 deri në -153°C
Presioni atmosferik: 1-3 bar
Përbërja atmosferike: Hidrogjen: 85%, Helium: 13%, Metan: 2%
Planeti më i largët në sistemin diellor. Ai sillet rreth Diellit në një orbitë me distancë mesatare rreth katër miliardë e gjysëm kilometra, udhëtim të cilin e kryen në rreth 165 vite. Për arsye të distancës së madhe nga Toka megjithse me një diametër rreth 4 herë më të madh se Toka, ai nuk mund të shihet me sy të lirë, pa ndihmën e një instrumenti optik.Masa e tij është rreth 17 herë më e madhe se ajo e Tokës. Për arsye të vërtitjes rreth Diellit me shpejtësi dhe kohë të ndryshme, Toka dhe Neptuni i ndryshojnë periodikisht pozicionet e tyre relative.Më 13 Shkurt 2009 do të arrihet distanca më e largët e këtij cikli.

Neptuni është zbuluar nga një astronom gjerman, Galle, në vitin 1846, duke ndjekur treguesit e dhënë nga llogaritjet e një astronomi francez, Le Verrier, rreth vendit në qiell ku duhej të ndodhej ky trup qiellor.
Emri i Neptunit vjen nga perëndia romane e detrave, me teleskop ai duket si një njollë e kaltërt e thellë e një deti të qetë.
Neptuni ka rreth 13 satelitë të zbuluar deri më sot. Më i madhi prej tyre quhet Triton.
Mbas zbulimit të Uranit astronomët vunë re se orbita e planetit nuk i bindej llogaritjeve.Astronomët menduan se një planet tjetër ndikonte gravitacionalisht në orbitën e Uranit. Astronomët John Couch Adams (1819-1892) në Angli dhe Urbain Jean Joseph Leverrier (1811-1877) në Francë llogaritën pozicionin e këtij planeti hipotetik.Planeti u zbulua 1° larg vendit që u përcaktua nga llogaritjet Ky planet ishte Neptuni. Më vonë u përcaktua se Neptuni ishte vëzhguar dhe më parë por ai ishte konsideruar si yll. Neptuni është shumë i ngjashëm me Uranin, ai është pak më i vogël në diametër por me dëndësi më të madhe.
Bërthama e Neptunit është prej metali dhe guri. Ajo rrethohet nga një sferë hidrogjeni dhe heliumi të lëngët. Presioni në brendësi të Uranit është shumë më i madh se presioni në brendësi të Tokës. Masa e planetit nuk është aq masive sa të kthejë hidrogjenin në gjendjen metalike.
Fusha magnetike ka një fortësi sa gjysma e asaj të Uranit, ose rreth 500 herë më e fuqishme se ajo e Tokës. Ajo është e anuar 47° në lidhje me aksin e rrotullimit rreth vetes të planetit dhe nuk është në të njëjtën qendër me qendrën e planetit Akulli që rrethon planetin është elektrikisht i ngarkuar, gjë kjo që krijon fushën e tij magnetike. Neptuni rrezaton më shumë energji nga ajo që merr nga Dielli
Eshtë gazi i metanit që i jep planetit ngjyrën blu. Edhe atmosfera e Neptunit si ajo e Uranit është e qartë dhe e pastër nga retë, kështu që mund të shihet shumë më thellë në brendësi të atmosferës së tij se në atë të Jupiterit dhe Saturnit.

Neptuni
Para se të zbulohej Neptuni (në vitin
1846), Jupiteri është konsideruar si sundimtar i shenjës së peshqve,
ndërsa sot një mori astrologësh modernë e konsiderojnë Jupiterin si
bashkësundimtar i kësaj shenje, por ka edhe të tjerë që vlerësojnë se
Neptuni nuk sundon asnjë shenjë të veçantë. Në astrologjinë moderne
Neptuni konsiderohet si planet që sundon shtëpinë e 12-të bashkë me
Jupiterin. Neptuni simbolizon ujin e kripur të detit dhe të oqeaneve,
ndërsa në trupin e njeriut përfaqëson jetën e jashtëqitjes, lëngun
amniotik dhe rregullon imunitetin. Neptunit i nevojiten 165 vjet për ta
përshkuar rrugën rreth diellit. Ky planet konsiderohet si frymëzuesi i
njerëzve për të udhëtuar drejt vendeve të largëta, qoftë gjeografike,
qoftë shpirtërore, pra përfaqëson të panjohurën, fantazinë etj. Mirëpo,
ky planet ka ndikim edhe në mënyrën e të menduarit të njeriut dhe në
disa veti negative që mund të shkojnë deri te skizofrenia.