Një rreth i zi, që fluturonte në qiell, ka bërë që banorët të lënë të gjitha punët dhe për 3 minuta, të shikojnë se ç’po ndodhë lartë në qiell.
Një vajzë 16 vjeçare, kishte bërë disa fotografi me iPhone për të dëshmuar këtë fenomen, për të cilin ende askush nuk po ka përgjigje.

Nick Pope ekspert mbi UFO, ka thënë se nuk është në dijeni, se për ç’far po bëhet fjalë. “Nuk kam shpjegim” ka thënë Pope, duke shtuar se “nuk është as rreth tymi, as insekte që fluturojnë bashkë”.

Departamenti i mbrojtjes nga zjarri në Warwickshire, kanë thënë se nuk kanë pasur informatë për ndonjë zjarr atë ditë, duke përjashtuar mundësinë, që kjo të jetë një rreth tymi.

E dëshmitarja që kishte zënë imazhin, Georgina Heap ka thënë se kjo ishte një gjë ‘shumë e çuditshme’. “Si një objekt që qëndronte mbi ne edhe ky rreth dukej si diçka e çuditshme, por që bëri të ndalonim lëvizjen, derisa na u zhduk nga sytë” ka thënë vajza 16 vjeçare.