Telefonat inteligjentë sigurisht janë shumë të rëndësishëm për njerëzimin, ku shkëmbimi i informacionit në distanca të mëdha, madje edhe në anën tjetër të botës, nëpërmjet mesazheve zanore apo mesazheve elektronike ka ndikuar në komunikimin mes njerëzve.

Por, ndërsa komunikimi me këto pajisje bëhet vetëm për shqisën e të shikuarit dhe të dëgjuarit, ne nuk mund të provojmë shqisën e të nuhaturit. Por shpikja më e re, oPhone lejon përdoruesit mes tyre të dërgojnë edhe aroma të ndryshme, ashtu si sms-të apo mesazhet elektronike.

Imagjinoni sikur të mund të publikonit foto ushqimesh në Instagram së bashku me aromën e tyre.Ideja për të krijuar një pajisje të tillë ishte e një profesori në Universitetin Harvard, David Edwards, bashkë me dy studentët e tij, Rachel Field and Amy Yin.

Duke u lidhur me telefonin inteligjent nëpërmjet Bluetoothi-it, oPhone do të lejojë përdoruesit të dërgojë mesazhe që mund të nuhaten në kohë reale. Ato do mund të dërgohen po aq lehtë sa dërgohen edhe mesazhet tekst apo ato zanore.

David Edwards, themelues i Le Laboratoire, e përshkruan këtë projekt si një metodë “që përveç se do të riprodhojë një mënyrë ekzistuese të komunikimit, do të krijojë edhe një gjuhë të re”.

Pajisja jo vetëm që mundëson marrjen dhe dërgimin e aromave, por gjithashtu i kombinon ato me imazhe në ekranin e një pajisjeje Android.