Neo është një këlysh antilope, një lloj specie e rrallë me origjinë nga Kenia, i lindur më 10 tetor në Chester Zoo, në Britaninë e Madhe. Këlyshi Neo është i gjatë rreth 20 centimetra dhe peshon më pak se një kilogram e gjysmë. Duket sikur sapo ka lindur dhe këmbët nuk i mbajnë ende, por për Neo, e keqja tashmë ka kaluar. Sapo ka lindur, është refuzuar nga e ëma, gjë që zakonisht ndodh me këto specie, dhe është mbështetur tek ngrohtësia trupore e antilopës Aluna, që është njëkohësisht e motra. Edhe ajo është braktisur më parë nga mamaja, ndërsa tani po kujdeset për të vëllanë duke e ndihmuar të stabilizohet dhe të ecë në mënyrë normale./a.s/