Shtetet e Bashkuara kanë paralajmëruar amerikanët të mos udhëtojnë në Egjipt dhe i kanë rekomanduar stafit diplomatik të panevojshëm që të largohet nga vendi, për shkak të vazhdimit të trazirave.

Departamenti i Shtetit u ka bërë gjithashtu thirrje shtetasve amerikanë që ndodhen në Egjipt që të qëndrojnë vigjilentë, pasi situata mund të tensionohet edhe më tej.

Njoftimi vjen pasi të paktën tre persona, përfshirë një shtetas amerikan, humbi jetën në përleshjet mes mbështetësve dhe kundërshtarëve të presidentit Mohammed Morsi.

Tensionet në vendin arab janë rritur në prag të tubimit masiv të planifikuar nga opozita për të dielën, për t’i bërë thirrje presidentit që të tërhiqet.

Nga ana tjetër, mbështetësit e tij theksojnë se është e drejtë legjitime e kreut të shtetit që të refuzojë kërkesën e opozitës. Të dielën shënohet dhe përvjetori i parë i inaugurimit të presidentit.

Në një paralajmërim të lëshuar vonë gjatë së premtes, Departamenti i Shtetit deklaronte se kishte autorizuar largimin e një numri të vogël anëtarësh të stafit diplomatik dhe familjeve të tyre nga Egjipti.

Gjithashtu, institucioni u kërkonte amerikanëve që të shmangin udhëtimet e panevojshme në Egjipt në këtë kohë, për shkak të vazhdimit të destabilitetit politik.

Aeroporti kryesor i Kajros ishte mbushur me pasagjerë në ikje dhe të gjitha fluturimet për në Evropë, Shtetet e Bashkuara dhe në vendet e Gjirit ishin të prenotuara, kanë deklaruar autoritetet.
/ Top Channel

e kto egjiptjanet e kan nmendje me vazhdu naj luft a qka?

me sa duket po afron, po fillon lufta civile ne egjipt :P