Duke ditur rritjen e rreziqeve për sa i përket sigurisë së vet, Google edhe një herë ka rritur shpërblimet me para që i paguan ata që bëjnë identifikimin e dobësive në shërbimet e kësaj ndërmarrjeje.
Gjiganti i internetit, që filloi të bëjë marrëveshje me disa hulumtues të sigurisë para disa viteve, lajmëroi për pagesa më të larta dhe rregulla të reja për programin të enjten në Blogun për Sigurinë Online të ndërmarrjes.
Shpërblimi për vrimat në Llogaritë e Google është rritur me tepër se dyfishi i vlerës sa ka qenë më parë, nga 3,133.70 në 7,500 dollarë. Shpërblimi për raportim të vrimave në fusha të tjera të ndjeshme si Gmail dhe Google Wallet është rritur për më tepër se trefishin e vlerës së kaluar, nga 1,337 në 5,000 dollarë.
Pagesa më lartë për informacionet për tejkalimet e verifikimeve është rritur në 7,500 dollarë, nga 5,000 sa ishte më parë. “Programet për shpërblim për dobësitë tona ka qenë shumë i suksesshëm duke na ndihmuar që të arnojmë më tepër vrima duke i mbrojtur më mirë përdoruesit tanë, e po ashtu duke fuqizuar marrëdhëniet tona me hulumtuesit e sigurisë,” shkroi në një postim në blog, skuadra e sigurisë e ndërmarrjes Google.
Programi për Shpërblim për Dobësitë ishte lëshuar në vitin 2010 për të rekrutuar hulumtues të jashtëm për të gjetur vrima dhe lëshime në sistem. Sipas postimit në blog, që atëherë, Google ka marrë më tepër se “1,500 raporte të kualifikuara për dobësi që kalonin përgjatë qindra shërbimeve të zhvilluara nga Google.”
Skuadra tha që Google ka paguar 828,000 dollarë për më tepër se 250 njerëz. Ndërkohë, i riu nga Mitrovica, Denis Avdiu, në atë kohë 15 vjeç, kishte bërë gjetjen e një vrime shumë të ndjeshme e cila me lehtësi do të mund të keqpërdorej për të shikuar se kush janë administratorët e faqeve në Facebook, si dhe mundësia për t’i larguar ata nga kjo pozitë dhe mundësia për t’u bërë vetë administratorë në faqe të ndryshme në rrjetin social.