Dhuna policore i merr jetën protestuesit Kavajas, protestoi pro kryebashkiakut!

Ka ndërruar jetë pak më parë në spitalin e qytetit të Kavajës 47-vjeçari Ruzhdi Aliu.
47-vjeçari Ali u arrestua nga policia gjatë protestës për lirimin e kryetarit të bashkisë së Kavajës Elvis Roshi. Ruzhdi Aliu u prangos nga policia sëbashku me 7 persona të tjerë, por mësohet se kur ai ka dalë të protestoj ka qenë i sëmur. Por, veç kësaj ai është dhunuar fizikisht nga forcat e policisë së shtetit që ndërhynë për të ndaluar protestën.

Ndërsa nga ana tjetër avokati i Elvis Roshit, Plarent Ndreca, ka deklaruar hapur se 47-vjeçari është dhunuar fizikisht nga policia dhe për këtë ai disponon prova.
“Nga persona që ishin në dhomën e qelisë me Aliun më thanë që është ushtruar dhunë në ambientet e komisariatit nr. 6. Ai ka shkuar 2-3 herë për mjekim në spital gjatë kohës kur ka qenë i ndaluar.”