Luleshtrydhja

Përveç se ka nje pamje te bukur dhe me shije luleshtrydhet janë shumë të dobishme për shëndetin. Ky frut ka kalori të pakta dhe eshte i pasur me fibra dhe vitamina të cilat janë jetike për trupin. Ajo përmban sasi të pasura të vitaminës C, fibra, folate omega acide yndyrore dhe është gjithashtu e pasur në vitamina B2, B5, B6, vitaminë K, dhe minerale si bakër, magnezium, dhe kalium. Luleshtrydhet nuk kanë minerale si sodium që janë përgjegjës për shkaktimin e presionit të lartë të gjakut, kolesterolit dhe yndyrnave të ngopura. Ky frut i paket me kalori ka veti të shumta per trupin.Këto janë:

1.Siguron vitamine C ,shume te nevojshme per trupin.
Luleshtrydhet janë burime të pasura me antioksidantë si vitaminë C që është shumë e dobishme për trupin. Ushqimi qe tretet në trup është i konvertuar në energji.Numrin I madh I radikaleve të lira qe formohen janë shumë të dëmshme dhe janë shkaku kryesor i shumë sëmundjeve të rënda.Akomulimi i tyre shkakton plakjen e organeve edhe con në shumë sëmundje. Antioksidantët të pranishëm në luleshtrydhe bllokojnë efektet negative të radikaleve të lira dhe gjithashtu ndihmojne për të zvogëluar dëmet e shkaktuara në trupin tonë nga toksinat e mjedisit si ndotja dhe tymi i duhanit.

2.Zvoglon rrezikun e sëmundjeve të zemrës.
Kaliumi është një mineral esencial që ndihmon në rregullimin e bilancit te elektroliteve në trupin tonë. Këto elektrolite janë përgjegjës për dërgimin e sasive të nevojshme të oksigjenit në tru; rregullojnë rrahjet e zemres dhe ruajne ekuilibrin e ujit në trup. Një dietë e pasur me kalium ul rrezikun e sëmundjeve të zemrës dhe goditjet fatale.

3.Parandalon semundje serioze si kanceri.
Luleshtrydhet përmbajnë Vitamina-C, kaempferol,anthocyanin, dhe quercetin. Këto kanë veti anti kancerogjene dhe antioksidante. Të gjithë sebashku luftojne sëmundje si kanceri dhe tumori. Perdorimi i rregullt i luleshtrydheve zvogëlon rritjen e qelizave të kancerit në trupin tonë dhe mund të përdoret si një ushqim parandalues për sëmundje të tilla.

4.Perfitimet për fëmijët e palindur.
Luleshtrydhet përmbajnë folate(acid folic) - një vitaminë e rëndësishme, e cila është jetike për rritjen dhe zhvillimin e embrionit. Kjo vitaminë nxit rritjen e qelizave të kuqe të gjakut që janë veçanërisht të rëndësishme për rritje të fetusit dhe fëmijët. Mungesa e acidit folik shkakton anemi te femijes së palindur dhe nënës. Konsumi i rregullt i luleshtrydheve furnizon me shume te rendesishmen folate dhe mbështet rritjen e duhur të qelizave të kuqe të gjakut.

5.Kujdesi per syte tuaj.
Shkaku kryesor për të gjitha problemet e syve janë ose radikalet e lira ose mungesa e ushqyesve të caktuar. Me plakjen dhe me mungesen e ushqyesve mbrojtës radikalët e lira veprojnë si antioksidantë të dëmshem dhe shkaktojnë dëme të rënda në sy. Kjo rezulton me probleme ne nervat optike ne tharjen e syve dhe ne difekte ne pamje. Antioksidantet ne luleshtrydhe të ndihmojnë për të shmangur situata të tilla dhe kujdesen për sytë tanë.

Parandalimi është gjithmonë më mire se kura. Kështu që përfshini ne dieten tuaj luleshtrydhe të qëndroni të shëndetshem. Konsumi i frutave te fresketa (te pa perpunuara) permban të gjithë përbërësit e paprekur qe jane shumë te dobishem për ruajtjen e shëndetit të trupit.

Luleshtrydhja, fryti i zemrës, dhurata më e bukur e natyrës



Në kopshtin e artë të frutave të bukura, të ëmbla, të buta dhe delikate, luleshtrydhja është mbretëresha e padiskutueshme. Frutat e bukura dhe të vogla që shfaqen me ardhjen e pranverës janë të "brishta", "elegante" dhe kanë nevojë për kujdes të veçantë. I takojmë çdo fillim marsi, kur rrezet e ngrohta dhe të ëmbla të diellit nisin të ngrohin tokën dhe aroma e tyre u bashkohet atyre të luleve të sapoçelura, e ndahemi me to sapo vjen vjeshta e artë. Ngjyra e kuqe, aroma e mrekullueshme dhe shija e veçantë bëjnë që së bashku me qershitë të jenë edhe frutat më të pëlqyera të fëmijëve. Janë një mijë e një arsyet se përse nuk duhet t‘i ndajmë kurrë nga tavolina. Përveçse janë të shijshme, mbi të gjitha të bëjnë mirë për shëndetin. Kanë shumë vitamina, sheqerna, kalcium, e fare pak kalori, luftojnë kancerin, ulin rrezikun e infeksioneve, parandalojnë prekjen nga sëmundjet e mëlçisë dhe largojnë dëshirën për të pirë duhan. Por ekziston edhe një arsye që duhet vlerësuar ndoshta më shumë se gjithë të tjerat, së bashku me midhjet dhe çokollatën, bëjnë pjesë në grupin e ushqimeve afrodiziakë, që nxisin ndjeshëm dëshirat seksuale. E nëse kishit menduar që darka romantike të ishte me peshk, verë dhe ëmbëlsirë, do të ishte më mirë nëse ajo do të zëvendësohej me midhje dhe në fund luleshtrydhe të spërkatura me çokollatë. Për më tepër, sipas sondazheve, mes frutave më të pëlqyera, 90 për qind e vajzave zgjidhnin luleshtrydhet. Përveç kënaqësisë që ato të dhurojnë, femrat tregonin se e pëlqenin frytin edhe për një arsye tjetër: të puthësh partnerin pasi ke ngrënë disa luleshtrydhe është vërtet një ndjesi e veçantë, ku buzët ruajnë aromën e luleshtrydhes dhe marrin edhe një ngjyrë të lehtë të kuqe që qëndron për pak minuta. Romakët e vjetër besonin shumë te luleshtrydhet që nga lëvizja e një dhëmbi, e deri tek infektimi i bajameve, përveçse u atribuonin atyre edhe veti afrodiziake. Po në Romën e Vjetër ajo vendosej në qendër të të gjitha festave që zhvilloheshin për nder të Adonit, sepse identifikonte lotët e derdhur nga Afërdita mbi varrin e tij. Sipas legjendës, Afërdita qau aq shumë sa lotët e saj sapo preknin tokën shndërroheshin në zemra të vogla të kuqe, njëlloj si luleshtrydhet. Forma dhe ngjyra bëri që gjatë Mesjetës ajo të quhej "fryti i zemrës", meqenëse ishte në gjendje të ndizte edhe pasionet e dashurisë. Në vitet 1600, luleshtrydhet u bënë mikeshat më të mira si të Shekspirit, që nuk nguroi të shkruante për to, duke i quajtur "ushqimi i zanave", ashtu edhe të Mbretit Diell. Edhe në sallonet mondane të monarkëve francezë, frutat e preferuara të Afërditës ishin në qendër të "lojërave" dashurore. Dama e ftonte kavalierin për të kaluar natën me të, pasi më parë i kishte lënë te dera një pjatë të madhe me luleshtrydhe. Është krejtësisht e sigurtë se në Evropë për herë të parë janë shfaqur në Francë dhe emri i tyre lidhej ngushtë me atë të kopshtarëve të Luigjit XV, të cilit i merrnin nga pylli varietet e egra për të mbushur kopshtet e Versajës. Në këtë kohë, ajo mendohej se shërbente për të zgjatur jetën. Zbatimi i kësaj metode do të mbetej i pandryshuar deri në fillim të viteve 1800, kur filloi kultivimi i plotë i tyre. Në të vërtetë, edhe besëtytnitë e lidhura me këtë fryt janë të ndryshme: të shohësh në ëndërr luleshtrydhet interpretohej si një ndihmë e papritur ose dhuratë e këndshme. Për japonezët dhe kinezët ato përfaqësojnë edukatën, ëmbëlsinë, mënyrat e mira të sjelljes. Ndërsa në traditën popullore të shumë popujve të lashtë luleshtrydhja kishte shumë veti magjike. Në veçanti për të shmangur kafshimin nga gjarpërinjtëgjethet duhet të mblidheshin më 24 qershor (ditë që përkonte me një festë fetare), të thaheshin në diell dhe më pas të formohej me to një rrip. Vetëm në këtë mënyrë asnjë gjarpër nuk guxonte të afrohej për të kafshuar ndonjë burrë ose grua. Por a e dini se frutat e vogla me origjinë "franceze" mund të përdoren kudo, madje janë mbretëreshat e produkteve kozmetike dhe recetave kulinare. Ato kanë veti mbrojtëse ndaj radikaleve të lira dhe përveç vitaminës C, është një burim i mrekullueshëm acidi folik, magnezi, kalciumi, vitamine A, magnezi, hekuri dhe bakri. Ndaj për këtë arsye, luleshtrydhet këshillohen dhe si më të mirat për maskat e fytyrës të përdorura aq shumë nga femrat. Por jo vetëm kaq. "Mirësia" e tyre shkon edhe më tej. Ato kanë pak kalori dhe shumë inde fibroze, që ndihmojnë sistemin tretës dhe veprimtarinë normale të zorrëve. Shërbejnë për të pastruar dhe dezintoksikuar organizmin, falë pranisë së polifenoleve, që njihen si "vrasëset" e stresit, falë ekuilibrit që ato mund të krijojnë mes acideve dhe kripërave minerale. Por lista e "gjërave" të çmuara që ato mund të bëjnë vazhdon. Një motiv tjetër për të ngrënë dhuratat e arta të natyrës? Të bëjnë mirë për zemrën dhe qarkullimin e gjakut dhe janë shumë të këshillueshme edhe për diabetikët. Studimet tregojnë se një dietë e pasur me këtë fryt dhe derivatet e saj ndihmojnë ndjeshëm në punën e zemrës, duke ulur edhe rrezikun e sëmundjeve kardiovaskulare dhe tensionin e lartë të gjakut. Ato shërbejnë edhe si ilaç natyror për të reduktuar kolesterolin në gjak. Sipas një kërkimi të ri të zhvilluar në SHBA është zbuluar se konsumi i madh i luleshtrydheve të freskëta në ditë ndikon në reduktimin e nivelit të kolesterolit në gjak. Në të vërtetë, rezultati doli nga një eksperiment i kryer me minjtë e laboratorit nga disa kërkues që studionin sëmundjet e zemrës në Universitetin e Floridas (SHBA). Përmes analizave të hollësishme ai vuri re se kafshët e ushqyera me to kishin një nivel më të ulët të kolesterolit në gjak, më pak trigliceride, më pak yndyra në mëlçi dhe më pak stres në krahasim me kafshët që ndoqën një dietë normale. Sipas kërkuesve, efektet pozitive mbi shëndetin i detyroheshin konsumit të madh të tyre. Jo pa të drejtë mund të bëjmë pyetjen? Cili është ilaçi që mund të shërojë më shumë sëmundje dhe të përdoret kudo? Përgjigja? Luleshtrydhet. Nuk ka rëndësi nëse anglezët i quajnë "strawberry"; francezët "fraise"; spanjollët "fresa" dhe gjermanët "erdbeere", e rëndësishme është se kudo janë njëlloj të ëmbla, të shijshme, të kuqe dhe të bukura.
Këshilla të thjeshta për konsumin dhe recetat

Luleshtrydhet nuk duhet të ruhen në frigorifer më shumë se dy ose tri ditë dhe duhen larë vetëm para servirjes. Për t‘i ruajtur të freskëta në ujin ku do të lahen më parë disa pika lëng limoni apo verë e bardhë. Kjo i bën që të ruajnë forcën dhe shijen. Përdoren gjerësisht tek ëmbëlsirat, kryesisht tortat dhe akulloret, si dhe në përgatitjen e kompostove, pijeve dhe reçelrave. Tortat me luleshtrydhe janë ndër më të preferuarat, sidomos në periudhën e pranverës, kur fryti ka edhe kohën kur mund të gjendet i freskët. Po ashtu edhe akulloret. Përzierja e shijeve të saj me lajthitë dhe krem karamelin është shija që pëlqehet më shumë në pastiçeri.
Rizoto me luleshtrydhe dhe petale trëndafili

Përgatitet rizoto për 4 persona me recetën bazë, duke e hedhur orizin në qepën e skuqur në gjalpë, duke e spërkatur me një gotë verë të bardhë. Pak çaste para se të fikni zjarrin, shtoni luleshtrydhet e freskëta të grira. Pasi është hequr nga zjarri i vihet sipër një mbulesë, mbi të cilën vendosen edhe petalet e trëndafilit. Për ta servirur në mënyrën më të mirë sipër i hidhet edhe djathë i grirë dhe disa petale të tjera trëndafili për të zbukuruar pjatën

Krem me luleshtrydhe

E thjeshtë dhe me pak kalori. Luleshtrydhet e lara mirë hidhen në mikser ku u shtohet 4 lugë kos i trashë dhe 2 lugë sheqer pluhur. Përziejini mirë deri sa të krijohet një masë homogjene.
Ëmbëlsirë me luleshtrydhe

Petët e holla i ndajmë në katrorë të vegjël 10-12 cm. Llogarisim 4-5 peta për çdo person dhe më pas përgatisim pluhurin e pastiçerisë. Në një tavë që e mbulojmë me letër furre vendosim petën. E lyejmë me kremin dhe sipër i vendosim një petë tjetër. Vazhdojmë me këtë radhitje petë - krem, derisa arrijmë te peta e fundit. Pastaj e mbulojmë me luleshtrydhet, që më parë i kemi larë, prerë përgjysmë dhe përzier me 2 lugë sheqer. Vendosim tavën në furrë për 15-20 min. Pasi të jetë pjekur e lemë pak të ftohet para se ta servirim. Në fund marrim disa luleshtrydhe, i grimë në mikser dhe me lëngun e tyre zbukurojmë pjatën ku do shërbejmë ëmbëlsirën

Kokteili "Blood Love"

Për përgatitjen e këtij kokteili duhen pesë ose gjashtë luleshtrydhe të pjekura mirë dhe të ëmbla ose pak lëng luleshtrydhesh dhe shampanjë.
Përgatitja

Pasi janë larë, luleshtrydhet grihen në mikser, duke u shtuar disa pika lëng limoni ose nëse ato nuk janë shumë të ëmbla i hidhet pak shurup luleshtrydhesh. Hidhen në një kupë që është vendosur më parë në akull, në fund i shtohet shampanjë dhe akull.

Legjenda

Në Romën e Vjetër ajo vendosej në qendër të të gjitha festave që zhvilloheshin për nder të Adonit, sepse identifikonte lotët e derdhur nga Afërdita mbi varrin e tij. Sipas legjendës, Afërdita qau aq shumë sa lotët e saj sapo preknin tokën shndërroheshin në zemra të vogla të kuqe, njëlloj si luleshtrydhet. Forma dhe ngjyra bëri që gjatë Mesjetës ajo të quhej "fryti i zemrës", meqenëse ishte në gjendje të ndizte edhe pasionet e dashurisë.

Në vitet 1600, luleshtrydhet u bënë mikeshat më të mira si të Shekspirit, që nuk nguroi të shkruante për to, duke i quajtur "ushqimi i zanave", ashtu edhe të Mbretit Diell. Edhe në sallonet mondane të monarkëve francezë, frutat e preferuara të Afërditës ishin në qendër të "lojërave" dashurore. Dama e ftonte kavalierin për të kaluar natën me të, pasi më parë i kishte lënë te dera një pjatë të madhe me luleshtrydhe

Përdorimi

Por a e dini se frutat e vogla me origjinë "franceze" mund të përdoren kudo, madje janë mbretëreshat e produkteve kozmetike dhe recetave kulinare

Afrodiziake Së bashku me midhjet dhe çokollatën, bëjnë pjesë në grupin e ushqimeve afrodiziakë, që nxisin ndjeshëm dëshirat seksuale. Kështu, darka romantike do të ishte më mirë të mbyllej në fund luleshtrydhe të spërkatura me çokollatë

Vetitë

Kanë shumë vitamina, sheqerna, kalcium, e fare pak kalori, luftojnë kancerin, ulin rrezikun e infeksioneve, parandalojnë prekjen nga sëmundjet e mëlçisë dhe largojnë dëshirën për të pirë duhan

Anti stres

Shërbejnë për të pastruar dhe dezintoksikuar organizmin, falë pranisë së polifenoleve, që njihen si "vrasëset" e stresit, falë ekuilibrit që ato mund të krijojnë mes acideve dhe kripërave minerale

Studimet Të bëjnë mirë për zemrën dhe qarkullimin e gjakut dhe janë shumë të këshillueshme edhe për diabetikët. Studimet tregojnë se një dietë e pasur me këtë fryt dhe derivatet e saj ndihmojnë ndjeshëm në punën e zemrës

Ilaç

Gjethet e reja të kësaj bime janë mjaft të pasura me vitaminë C dhe kripëra natyrore, që ndikojnë në pastrimin e gjakut. Në shumë vende përdoret si sallatë, sidomos për ata që vuajnë nga anemia

Kënaqësia

Të puthësh partnerin pasi ke ngrënë disa luleshtrydhe është vërtet një ndjesi e veçantë, ku buzët ruajnë aromën e luleshtrydhes dhe marrin edhe një ngjyrë të lehtë të kuqe që qëndron për pak minut