Qumështi i nënës vret virusin e HIV-it

Duket që komponenti i panjohur i qumështit të nënës vret grimcat e HIV-it, qelizat e infektuara dhe bllokon transmetimin e HIV-it te minjtë me sistemin njerëzor të

imunitetit.

Edhe pse fëmijët e nënave me HIV pozitiv shmangin infeksionin gjatë lindjes, rreth 15 për qind e tyre infektohet me HIV në fëmijërinë e hershme. Meqenëse virusi mund të arrijë në qumësht, është supozuar që kjo mund të jetë për shkak të ushqyerjes me gji.

Me hulumtime të mëtejshme Angela Wahl në Universitetin e Karolinës Veriore në Chapel Hill dhe kolegët e saj kanë krijuar minjtë me palcën eshtore, mëlçinë dhe

indin e timusit njerëzor. Ato organe janë infektuar pasi që minjtë kanë fituar dozën orale të viruseve.

Megjithatë, nëse minjtë janë ushqyer me qumështin e nënës, i cili përmban HIV, virusi nuk transmetohet. Hulumtimet e mëhershme kanë lënë të kuptohet që qumështi i

nënës mund të ketë veçori antivirusale, por nuk ka qenë e qartë nëse do të parandalonte transmetimin e HIV-it.

“Kemi treguar që qumështi ka aftësinë e brendshme të lindur për të vrarë HIV”, tha Victor J. Garcia, i cili ka mbikëqyrur punën.

Shkencëtarët tani kërkojnë përbërësin sekret në qumështin e nënës i cili bllokon virusin.

Nëse mund të njihet, mund të përdoret për të parandaluar edhe format e tjera të transmetimit të HIV, siç është transmetimi përmes marrëdhënieve seksuale.

Pse disa foshnja që ushqehen me gji të nënave me HIV pozitiv fitojnë virusin, nëse qumështi i nënës nuk transmeton HIV?

E mundshme është që thithja e gjinjve të plasaritur e ekspozojnë foshnjën ndaj

virusit në gjakun e nënës.

Mënyra më e mirë, më e sigurt, më e shëndetshme dhe më e lirë e të
ushqyerit të foshnjës suaj është me qumësht gjiri. Vënia e rregullt e
fëmijës në gji është metoda më e mirë për të nxitur fluksin e qumështit
të gjirit.

Qumështi i gjirit e mbron fëmijën nga sëmundjet e
ndryshme dhe e bën më të qëndrueshëm ndaj infeksioneve dhe alergjive,
mirëpo, në anën tjetër, të ushqyerit me qumësht gjiri e mbron edhe
shëndetin e nënës.

Posaçërisht, në vitin e parë të jetës, varet
mirëqenia dhe shëndeti i foshnjës tuaj nga ushqimi i drejtë. Shtrohet
pyetja se çfarë ushqimi duhet të hajë nëna gjatë kohës së gjidhënies për
një ushqim me gji të suksesshëm? Një ushqim i balancuar gjatë
shtatzënisë dhe pas shtatzënisë favorizon dhënien me gji. Prandaj,
ushqimi i nënës duhet të jetë i shumëllojshëm, të përfshijë ushqime
bimore, shumë fruta dhe perime të freskëta, produkte të qumështit, vezë,
mish dhe peshk. Në gatim është e preferueshme që të përdorini kripë të
jodizuar dhe me fluor. Për formimin e kockave foshnja ka nevojë shumë
për kalcium dhe fosfat, prandaj nëna duhet të pijë 200-500 ml qumësht
ose të hajë produkte të qumështit si p.sh.: kos, jogurt, gjizë apo
djathë. Foshnjat kanë nevojë për vitamina të shumta e posaçërisht për vitaminën C, prandaj nënat
duhet që minimumi një herë në ditë të hanë fruta dhe perime. Foshnjat
kanë nevojë për hekur për formimin e gjakut, i cili gjendet në mëlçi,
mish dhe në të verdhën e vezës, prandaj nënat duhet t’i hanë këto lloje
të ushqimit. Nëna e cila e ka fëmijën në gji pi për nevojat e saj
normale minimumi 1 litër lëngje shtesë në ditë. Këtu hyjnë: lëngjet e
frutave dhe të perimeve, qumështi si dhe llojet e ndryshme të çajeve.